ဘ၀ထဲက ရတနာ၊ ရင်ထဲက ကဗျာ (၅၆)
(၁)
ဖေဖော်ဝါရီ (၁၂) ရက်ဟာ မြန်မာနိုင်ငံမှာ “ပြည်ထောင်စုနေ့” ရယ်လို့ သတ်မှတ်ထားတဲ့နေ့ပဲ။ ပြည်ထောင်စုနေ့ဆိုတာ ရှမ်းပြည်တောင်ပိုင်း ပင်လုံမြို့ကလေးမှာ ဗိုလ်ချုပ်အောင်ဆန်းခေါင်းဆောင်ပြီး တိုင်းရင်းသားစုံညီပါဝင်တဲ့ ပြည်ထောင်စုစိတ်ဓာတ် အုတ်မြစ်ချခဲ့တဲ့နေ့ပေါ့။ သမိုင်းဝင် နေ့ထူးနေ့မြတ်တခုလည်း ဖြစ်ပါတယ်။ တိုင်းရင်းသားစုံညီ သဘောတူလက်မှတ်ထိုးခဲ့တဲ့ ပင်လုံစာချုပ်ဟာ မြန်မာ့လွတ်လပ်ရေးရဲ့ ခိုင်မာတဲ့အုတ်မြစ်ကောင်းတခု မဟုတ်ပါလား။
(၂)
ပြည်ထောင်စုနေ့ရဲ့ အရေးပါအရာရောက်မှုကို အသိအမှတ်ပြုလိုတဲ့သဘောနဲ့ “ညီနောင်အမှု ပြည်ထောင်စု” ဆိုတဲ့ကဗျာတပုဒ်ကို ဒီလိုရေးမိပါတယ်။
“ပြည်ထောင်စုရဲ့ ဗိသုကာ
ဗိုလ်ချုပ်အောင်ဆန်းပါ။
မလိမ်မညာ ဟန်မလုပ်
လှည့်စားလိုတဲ့ စိတ်မဟုတ်။
ကျုပ်တို့တိုင်းပြည် အတူနေ
ခွင့်တူညီမျှစေ။
ကိုယ့်မြေ ကိုယ့်ရေ တာဝန်သိ
ဆွေမျိုးဥာတိ ချစ်ခင်၏။
မိမိဘာသာ လွတ်လပ်စွာ
ဆုံးဖြတ်လုပ်ကိုင်ပါ။
အာဏာသုံးလို့ မခြိမ်းခြောက်
တဦးမျက်နှာ တဦးထောက်။
အကြောက်တရား မလွှမ်းအောင်
အထူးသတိဆောင်
ပြည်ထောင်စုဆိုတာ မိသားစု
အားလုံး ကောင်းကျိုးပြု။
ညီတယ်ဆိုတာ မြတ်ကောင်းမှု
နိုင်ငံအတွက် သာဓု … သာဓု။
တမျိုးသားလုံးညီညွတ်အောင် အမြင်ကျယ်ကျယ်၊ စေတနာပါပါ ညှိနှိုင်းဆောင်ရွက်ခဲ့ကြတဲ့ ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်များကို နောင်လာနောက်သားတိုင်းက “သာဓု …သာဓု” ခေါ်ပြီး ထာဝစဉ်ဂုဏ်ပြုကြရမှာအမှန်ပါ။
(၃)
ကျွန်တော်တို့ငယ်ငယ်တုန်းက သတင်းစာဆရာ ဦးပုကလေးရေးတဲ့ “ငါတို့ဗိုလ်ချုပ် ဘာတွေလုပ်ခဲ့သလဲ” ဆိုတဲ့စာအုပ်ကို ဖတ်ခဲ့မိဖူးပါတယ်။ အဲဒီစာအုပ်မှာ ဗိုလ်ချုပ်အောင်ဆန်းဟာ တိုင်းရင်းသားစည်းလုံး ညီညွတ်ရေးအတွက် မနားမနေလုပ်ဆောင်ခဲ့တာတွေ မှတ်တမ်းတင်ခဲ့တယ်လို့ မှတ်မိပါတယ်။ ကချင်တိုင်းရင်းသားဝတ်စုံနဲ့၊ ငွေဓားလွယ်နဲ့၊ ကချင်ခေါင်းပေါင်းနဲ့ ဗိုလ်ချုပ်အောင်ဆန်းဟာ ကချင်တိုင်းရင်းသားတွေနဲ့အတူ ရယ်ရယ်မောမော ပြုံးပြုံးရွှင်ရွှင်နေတဲ့ဓာတ်ပုံကို တွေ့ခဲ့မြင်ခဲ့ ပီတိဖြစ်ခဲ့ရဖူးတယ်လို့ စိတ်ထဲကမှတ်မိနေပါတယ်။ ဗိုလ်ချုပ်အောင်ဆန်းရဲ့ ဟန်မဆောင်တတ်၊ ပွင့်ပွင့်လင်းလင်းနဲ့ ရိုးရိုးရှင်းရှင်း ပြောတတ်တာတွေကို တိုင်းရင်းသားတွေက အလွန်သဘောကျတယ်လို့လည်း အမှတ်ထင်ထင်ရှိခဲ့ဖူးပါတယ်။
ချင်းတိုင်းရင်းသား ဆလိုင်းလျန်မှုန်းဆာခေါင်း စုစည်းတင်ပြထားတဲ့ “ငြိမ်းချမ်းစွာ အတူယှဉ်တွဲ နေထိုင်ရေးဝါဒမှသည် စစ်မှန်သောဖက်ဒရယ်ပြည်ထောင်စုစနစ်ဆီသို့” ဆိုတဲ့ စာအုပ်သုံးတွဲထဲမှာလည်း ဝေဖန်သုံးသပ်တဲ့ စာတမ်းတွေနဲ့အတူ ဗိုလ်ချုပ်အောင်ဆန်းရဲ့ လမ်းညွှန်ချက် (၇) ချက်ကို ဖတ်ရပါတယ်။ တကယ်တမ်း စိတ်ထဲရှိသမျှ အရင်းခံအတိုင်းပြောဆိုထားတာကို ဖတ်ရတာ အလွန်အသက်ဝင်လှပါ တယ်။
“ကျွန်တော်တို့ဖြစ်ချင်တာကတော့ ဆန်မရှိ စောက်စားကြီးပဲခေါ်ခေါ် (ရယ်သံများ) ကျွန်တော်တို့ဖြစ်ချင်တဲ့ နိုင်ငံကတော့ လွတ်လပ်ပြီး အချုပ်အခြာအာဏာပိုင်တဲ့ နိုင်ငံတော်ဖြစ်ချင်တယ်” (သြဘာသံများ)
“ငါတို့နိုင်ငံတော်ကြီးဟာ ကမ္ဘာကြီးရဲ့အလယ်မှာ လူသတ္တ၀ါတို့၏ ကောင်းကျိုးချမ်းသာတို့ကို လုပ်ဖို့ရော၊ ကမ္ဘာ့ငြိမ်းချမ်းရေးတို့ကို တည်ထောင်ပြီး အမြဲတမ်းစောင့်ထိန်းမည်ဆိုတဲ့ဟာပဲ။ ဒါကတော့ နိုင်ငံတကာတိုင်း၊ နိုင်ငံတကာတိုင်း ကြီးကြီးကျယ်ကျယ် ပြောတဲ့စကားတွေပဲ။ တကယ်လုပ်သလားဆိုတော့ သိပ်မလုပ်ကြဘူး” (ရယ်မောကြသည်)
“ဒါကတော့ ကျွန်တော်တို့လူများ ကြည့်ကောင်းအောင်၊ ကမ္ဘာကကြည့်ကောင်းအောင် ထည့်ရမယ်။ ဖတ်လိုက်ရလို့ရှိရင် ပါးစပ်ထဲမှာပြည့်သွားအောင် လုပ်ထားတာပဲ။ တောကလူတွေဖတ်ရင်တော့ ဘာမှ နားလည်မှာမဟုတ်ဘူး” (ရယ်မောကြသည်။)
ဗိုလ်ချုပ်အောင်ဆန်းသည် ဟိတ်မထုတ်၊ ဟန်မလုပ်၊ လူထုနဲ့ တရင်းတနှီး လက်ပွန်းတတီး ပြောဆိုလေ့ရှိတယ်။ ဒါပေမယ့် သူယုံကြည်တာကိုတော့ စိုက်လိုက်မတ်တတ် လုပ်လဲလုပ်တယ်၊ ပြောလဲပြောတယ်။
“ကျွန်တော်တို့ကတော့ အင်္ဂလိပ်လက်အောက်မှာလဲ မနေချင်ဘူး။ ဘယ်လူမျိုး၊ ဘယ်နိုင်ငံခြားလူမျိုး လက်အောက်မှာမှမနေချင်ဘူး။ ကျွန်တော် လွတ်လွတ်လပ်လပ်နေချင်တယ်” (သြဘာသံများ)
“အလင်းရောင်ထဲမှာ နေချင်ကြတဲ့လူတွေဟာ ကျွန်တော်တို့အဆိုကို ထောက်ခံပါ။ အလင်းရောင်ကနေပြီး အမှောင်ထဲကို သွားချင်တဲ့လူတွေကတော့ သဘောအတိုင်းပါပဲဆိုတာ သည်အဆိုကိုတင်သွင်းရင်း ကျွန်တော်ပြောခဲ့ပါတယ်” တဲ့။
အခုလို ပြည်ထောင်စုစိတ်ဓာတ်တွေ နိုးကြားနေတဲ့ကာလမှာ ဗိုလ်ချုပ်အောင်ဆန်းရဲ့စကားတွေ ပြန်လည်ကြားယောင်ရတာ အရသာလဲရှိ၊ အကျိုးလဲရှိပါပေ့။ ပြည်ထောင်စုနေ့ပီတိလို့ ဆိုနိုင်ပါရဲ့။ ။
ခေတ်ပြိုင်ဂျာနယ် အတွဲ (၁၅၃)၊ ဖေဖော်ဝါရီ ၂၀၀၆
Wednesday, October 1, 2008
treasure of my life, poems from my heart - 55
ဘ၀ထဲက ရတနာ၊ ရင်ထဲက ကဗျာ (၅၅)
(၁)
ခေတ်ကို လူကဖန်တီးတယ်။ ခေတ်က လူကို သြဇာပေးတယ်။ ခေတ်စကားကို လူသားနားထောင်ရတယ်။ ကိုယ်ဖန်တီးတဲ့ခေတ်ကို ကိုယ်လွန်ဆန်လို့မရ။ “သူ့ခေတ်နဲ့တော့ သူတွင်ကျယ်တယ်။ သူတို့ကိုလဲ ပြိုင်ဖို့ မလိုဘူးထင်တယ်”တဲ့။ ဆရာမြို့မငြိမ်းက ဆိုခဲ့တယ်။ ခေတ်နောက်ပြန်ဆွဲရင်လည်း မှောက်လှန်လဲတတ် တယ်။ လူနဲ့ခေတ် အပြန်အလှန် အမှီသဟဲပြုနေကျ။ ယောနိသောမနသီကာရနဲ့ အသင့်အတင့် နှလုံး သွင်းနိုင်ပါမှ တန်ကာကျ။
(၂)
မြန်မာကဗျာရဲ့ ဖြစ်ဖျားအစ ပုဂံခေတ်က။ “မြကန်သာ၊ တောင်ကျချောင်းတေး၊ ရေ၀င်ပြေးလှဲ့၊ ရေအေးကြည်စွာ၊ ကန်ပိုင်မာလျက် …. တာဝတိံသာ၊ နန္ဒာလော၊ တူစွဟုတ္ထာ” တဲ့။
ပုဂံလေသံပေါက်တဲ့ကဗျာ၊ ပုဂံအသုံးအနှုန်း၊ ပုဂံရှုခင်း၊ ပုဂံနံ့သင်းနေတဲ့ကဗျာ။
အေး … ခေတ်နဲ့ကဗျာအကြောင်း စဉ်းစားခန်းဝင်မိတယ်။ ဟုတ်သော်ရှိ မဟုတ်သော်ရှိ။
စဉ်းစားမိသမျှ၊ တွေးမိသမျှကို ဒီလိုချပြီးရေးမိတယ်။ ကဲ … ဖတ်ကြည့်ပါအုံး။
“ကဗျာအလှ ရှာပုံတော်”
ဘုတ်အုပ်တအုပ်နဲ့
အလုပ်ရှုပ်နေတဲ့
ကျုပ်တို့ ကဗျာဆရာပါလား။
လာပြန်ပဟဲ့
ကာရန်မဲ့ … တဲ့။
ဖြစ်ပြန်ပဟ
ရစ်သမ်အဓိက …. တဲ့။
ဇွတ်မှတ်ရပြန်ပဟေ့
လွတ်လပ်ကာရန်.. တဲ့။
အတွေးဂယ်ပေါက်နားမှာ
အရေးဘယ်ပျောက်သွားပါလိမ့်
သွေးလေတကယ်ချောက်ချားမိပါရဲ့။
ကာရန် ရရမရရ
မြန်မာဆန်ဆန်လှရင်ပဲ
ကဗျာစံပြဖြစ်မှာပါပဲကွယ်။
ကဗျာဆရာ့ဖြစ်ပုံ သနစ်စုံကို ရင်ဖွင့်တင်ပြမိတာ ဖြစ်ပါတယ်။
အိမ်း … ဒါလည်း လွယ်မှလွယ်ပါ့မလား။ “မြန်မာဆန်ဆန်အလှ” ဆိုတာဘာလဲလုိ့ စောဒက တက်ချင်ကြဦးမယ်ထင်တယ်။
ပိတောက်ပန်းကလေးနဲ့ နန်းဆန်ဆန်ရေးဖို့လား။ ထနောင်းခက်ကလေး ဆံမြိတ်ချပြီး တသသဖွဲ့ရမှာလား၊ ခယောင်းလမ်းမှာ အမောင်းကြမ်းကြမ်းနဲ့ လှည်းတန်းကြီးကို ဖွဲ့ရမှာလား။ စဉ်းစားစရာ။
“ကဗျာမှုမှာ၊ ကြက်ဥကိုအစ၊ ရှာတတ်ရသေး… တဲ့”။ ရာမရကန်ဆရာ ဦးတိုးက လမ်းစဖော်ပေးတယ်။ ကဗျာမှုဟာ တရားသေမရှိ။ ပုံသေကားကျမရှိ၊ စာဆိုဥာဏ်သာရှိခဲ့ရင် “သို့က … သို့၊ သည်က … သည်၊ ဆိုတိုင်းတည်ရသည်။ ညွန့်ရှည်ပင်သန်၊ သိဒ္ဓိပြီးဥာဏ်” နဲ့ ဖန်တီးတတ်ဖို့သာ ပဓာနလို့ လမ်းပြခဲ့ပါတယ်။ ဥာဏ်ရှိသလို စေစားပေတော့။
(၃)
လောကကမ္ဘာဆိုတာ အကောင်းအဆိုး အမျိုးမျိုးရောပြွမ်းနေတဲ့ လောကဖြစ်ပါတယ်။ သူတော်စင်တွေ၊အာဇာနည်တွေချည်းနေတာမဟုတ်။ အညွန့်အဖူး ဆီဦးထောပတ်ချည်းမဟုတ်။ မလိုတမျိုး လိုတမျိုးဆိုတဲ့ ချိုကျိုးနားရွက်ပဲ့တွေလည်း အများကြီး။ ခြောက်ပြစ်ကင်း သဲလဲစင် တရားဓမ္မရှင်တွေလည်း နေကြတာပဲ။ လူဆိုး လူမိုက် လူ့အမှိုက် လူ့တိရစ္ဆာန် ဗာလာနံတွေလည်း တပုံတခေါင်း။ လူဆိုးတွေမပါရင်လည်း ကမ္ဘာက ပြည့်စုံမှာမဟုတ်။ မကောင်းမှန်းသိပေမယ့် သင်းတို့ပါမှ ကမ္ဘာကပြည့်စုံမှာကိုး။ လူ့ကမ္ဘာဆိုတာ ရောင်မျိုးစုံတဲ့ နှောင်ကြိုးဘုံကြီး မဟုတ်ပါလား။
အမှောင်ရှိမှ အလင်းသိပြီး အလင်းရဲ့တန်ဖိုးကို သိမှာပေါ့။ အဆိုးရှိမှ အကောင်းရဲ့တန်ဖိုးကိုသိပြီး အကောင်းကို စိုက်ပျိုး ပျိုးထောင်မှာပေါ့။
လူ့ကမ္ဘာဆိုတာ အမှုတကာစုံပါပေ့။ ဆေးရောင်တွေလဲစုံပါပေ့။ သံစဉ်သစ်တွေ အမြဲဟစ်နေတဲ့ကမ္ဘာ၊ ဆေးရောင်သစ်တွေ အမြဲစပ်ဟပ်နေတဲ့ကမ္ဘာ၊ ကာရန်သစ်တွေ အမြဲရှာတတ်နေတဲ့ကမ္ဘာ။
လူ့တခေတ်တိုင်း အဖုအထစ်တွေရှိစမြဲ။ အဟောင်းအသစ်တွေ ကြုံစမြဲ။ အမှောင်အလင်း ညှိလိုက်တော့မှ ပျင်းရိဖွယ်မရှိတဲ့ လူ့ကမ္ဘာသံစုံဖြာနေတော့မှာပေါ့။
အဲ …. သတိနဲ့နေ၊ သတိနဲ့သေမှ အသိနဲ့ဖြေသာမှာ မဟုတ်လား။ လူ့ကမ္ဘာရဲ့ ဝေဒနာဇာတ်အစုစုကို အမှတ်တခုရယ်လို့ ရှုမှတ်ဆင်ခြင်ဖို့တော့ လိုပါသဗျ။
“မျက်မြင်မှာ ဥာဏ်တွဲလို့၊ အနဲနဲရှုပါ” လို့ လယ်တီဆရာတော်က ဟောထားသားကပဲ။ ။
ခေတ်ပြိုင်ဂျာနယ် အတွဲ (၁၅၁)၊ ဒီဇင်ဘာ ၂၀၀၅
(၁)
ခေတ်ကို လူကဖန်တီးတယ်။ ခေတ်က လူကို သြဇာပေးတယ်။ ခေတ်စကားကို လူသားနားထောင်ရတယ်။ ကိုယ်ဖန်တီးတဲ့ခေတ်ကို ကိုယ်လွန်ဆန်လို့မရ။ “သူ့ခေတ်နဲ့တော့ သူတွင်ကျယ်တယ်။ သူတို့ကိုလဲ ပြိုင်ဖို့ မလိုဘူးထင်တယ်”တဲ့။ ဆရာမြို့မငြိမ်းက ဆိုခဲ့တယ်။ ခေတ်နောက်ပြန်ဆွဲရင်လည်း မှောက်လှန်လဲတတ် တယ်။ လူနဲ့ခေတ် အပြန်အလှန် အမှီသဟဲပြုနေကျ။ ယောနိသောမနသီကာရနဲ့ အသင့်အတင့် နှလုံး သွင်းနိုင်ပါမှ တန်ကာကျ။
(၂)
မြန်မာကဗျာရဲ့ ဖြစ်ဖျားအစ ပုဂံခေတ်က။ “မြကန်သာ၊ တောင်ကျချောင်းတေး၊ ရေ၀င်ပြေးလှဲ့၊ ရေအေးကြည်စွာ၊ ကန်ပိုင်မာလျက် …. တာဝတိံသာ၊ နန္ဒာလော၊ တူစွဟုတ္ထာ” တဲ့။
ပုဂံလေသံပေါက်တဲ့ကဗျာ၊ ပုဂံအသုံးအနှုန်း၊ ပုဂံရှုခင်း၊ ပုဂံနံ့သင်းနေတဲ့ကဗျာ။
အေး … ခေတ်နဲ့ကဗျာအကြောင်း စဉ်းစားခန်းဝင်မိတယ်။ ဟုတ်သော်ရှိ မဟုတ်သော်ရှိ။
စဉ်းစားမိသမျှ၊ တွေးမိသမျှကို ဒီလိုချပြီးရေးမိတယ်။ ကဲ … ဖတ်ကြည့်ပါအုံး။
“ကဗျာအလှ ရှာပုံတော်”
ဘုတ်အုပ်တအုပ်နဲ့
အလုပ်ရှုပ်နေတဲ့
ကျုပ်တို့ ကဗျာဆရာပါလား။
လာပြန်ပဟဲ့
ကာရန်မဲ့ … တဲ့။
ဖြစ်ပြန်ပဟ
ရစ်သမ်အဓိက …. တဲ့။
ဇွတ်မှတ်ရပြန်ပဟေ့
လွတ်လပ်ကာရန်.. တဲ့။
အတွေးဂယ်ပေါက်နားမှာ
အရေးဘယ်ပျောက်သွားပါလိမ့်
သွေးလေတကယ်ချောက်ချားမိပါရဲ့။
ကာရန် ရရမရရ
မြန်မာဆန်ဆန်လှရင်ပဲ
ကဗျာစံပြဖြစ်မှာပါပဲကွယ်။
ကဗျာဆရာ့ဖြစ်ပုံ သနစ်စုံကို ရင်ဖွင့်တင်ပြမိတာ ဖြစ်ပါတယ်။
အိမ်း … ဒါလည်း လွယ်မှလွယ်ပါ့မလား။ “မြန်မာဆန်ဆန်အလှ” ဆိုတာဘာလဲလုိ့ စောဒက တက်ချင်ကြဦးမယ်ထင်တယ်။
ပိတောက်ပန်းကလေးနဲ့ နန်းဆန်ဆန်ရေးဖို့လား။ ထနောင်းခက်ကလေး ဆံမြိတ်ချပြီး တသသဖွဲ့ရမှာလား၊ ခယောင်းလမ်းမှာ အမောင်းကြမ်းကြမ်းနဲ့ လှည်းတန်းကြီးကို ဖွဲ့ရမှာလား။ စဉ်းစားစရာ။
“ကဗျာမှုမှာ၊ ကြက်ဥကိုအစ၊ ရှာတတ်ရသေး… တဲ့”။ ရာမရကန်ဆရာ ဦးတိုးက လမ်းစဖော်ပေးတယ်။ ကဗျာမှုဟာ တရားသေမရှိ။ ပုံသေကားကျမရှိ၊ စာဆိုဥာဏ်သာရှိခဲ့ရင် “သို့က … သို့၊ သည်က … သည်၊ ဆိုတိုင်းတည်ရသည်။ ညွန့်ရှည်ပင်သန်၊ သိဒ္ဓိပြီးဥာဏ်” နဲ့ ဖန်တီးတတ်ဖို့သာ ပဓာနလို့ လမ်းပြခဲ့ပါတယ်။ ဥာဏ်ရှိသလို စေစားပေတော့။
(၃)
လောကကမ္ဘာဆိုတာ အကောင်းအဆိုး အမျိုးမျိုးရောပြွမ်းနေတဲ့ လောကဖြစ်ပါတယ်။ သူတော်စင်တွေ၊အာဇာနည်တွေချည်းနေတာမဟုတ်။ အညွန့်အဖူး ဆီဦးထောပတ်ချည်းမဟုတ်။ မလိုတမျိုး လိုတမျိုးဆိုတဲ့ ချိုကျိုးနားရွက်ပဲ့တွေလည်း အများကြီး။ ခြောက်ပြစ်ကင်း သဲလဲစင် တရားဓမ္မရှင်တွေလည်း နေကြတာပဲ။ လူဆိုး လူမိုက် လူ့အမှိုက် လူ့တိရစ္ဆာန် ဗာလာနံတွေလည်း တပုံတခေါင်း။ လူဆိုးတွေမပါရင်လည်း ကမ္ဘာက ပြည့်စုံမှာမဟုတ်။ မကောင်းမှန်းသိပေမယ့် သင်းတို့ပါမှ ကမ္ဘာကပြည့်စုံမှာကိုး။ လူ့ကမ္ဘာဆိုတာ ရောင်မျိုးစုံတဲ့ နှောင်ကြိုးဘုံကြီး မဟုတ်ပါလား။
အမှောင်ရှိမှ အလင်းသိပြီး အလင်းရဲ့တန်ဖိုးကို သိမှာပေါ့။ အဆိုးရှိမှ အကောင်းရဲ့တန်ဖိုးကိုသိပြီး အကောင်းကို စိုက်ပျိုး ပျိုးထောင်မှာပေါ့။
လူ့ကမ္ဘာဆိုတာ အမှုတကာစုံပါပေ့။ ဆေးရောင်တွေလဲစုံပါပေ့။ သံစဉ်သစ်တွေ အမြဲဟစ်နေတဲ့ကမ္ဘာ၊ ဆေးရောင်သစ်တွေ အမြဲစပ်ဟပ်နေတဲ့ကမ္ဘာ၊ ကာရန်သစ်တွေ အမြဲရှာတတ်နေတဲ့ကမ္ဘာ။
လူ့တခေတ်တိုင်း အဖုအထစ်တွေရှိစမြဲ။ အဟောင်းအသစ်တွေ ကြုံစမြဲ။ အမှောင်အလင်း ညှိလိုက်တော့မှ ပျင်းရိဖွယ်မရှိတဲ့ လူ့ကမ္ဘာသံစုံဖြာနေတော့မှာပေါ့။
အဲ …. သတိနဲ့နေ၊ သတိနဲ့သေမှ အသိနဲ့ဖြေသာမှာ မဟုတ်လား။ လူ့ကမ္ဘာရဲ့ ဝေဒနာဇာတ်အစုစုကို အမှတ်တခုရယ်လို့ ရှုမှတ်ဆင်ခြင်ဖို့တော့ လိုပါသဗျ။
“မျက်မြင်မှာ ဥာဏ်တွဲလို့၊ အနဲနဲရှုပါ” လို့ လယ်တီဆရာတော်က ဟောထားသားကပဲ။ ။
ခေတ်ပြိုင်ဂျာနယ် အတွဲ (၁၅၁)၊ ဒီဇင်ဘာ ၂၀၀၅
treasure of my life, poems from my heart - 54
ဘ၀ထဲက ရတနာ၊ ရင်ထဲက ကဗျာ (၅၄)
(၁)
“တပ်မတော်” တဲ့။ ဒီနာမည်ကလေးကြားရ ရင်ထဲမှာ ချိုမြ။ ဒါကတော့ ဂျပန်ဝင်ခါစက ဘီအိုင်အေ … တဲ့။ ဘီဒီအေ …တဲ့။ နာမည်တွေက ကြားနေရတယ်။ ဘာမှန်းညာမှန်းတော့မသိ။ သိတာကတော့ တပ်မတော်လို့ အသံကြားတိုင်း ပီတိဖြစ်တယ်။ ကြက်သီးမွေးညင်းထတယ်။
“ဗိုလ်ချုပ်အောင်ဆန်း” တဲ့။ ဒီအသံကြားလျှင်ကြားချင်း ချစ်စိတ်ဝင်မိတယ်။ ငါတုိ့နိုင်ငံကိုကယ်တင်မယ့် ကယ်တင်ရှင်လို့ ထင်တယ်။ ငါတို့ရဲ့အကျိုးကို သက်စွန့်ကြိုးပမ်းထမ်းဆောင်မယ့် သူရဲကောင်းရယ်လို့ သွေးထဲမှာ စိမ့်ဝင်သွားတယ်။
“ဗမာ့လွတ်လပ်ရေးအတွက် တပ်မတော်ဖွဲ့လို့ ဂျပန်ပြည်မှာကွယ် … တကယ်ပဲအသက်နဲ့လဲလို့ ဆင်းရဲ ဒုက္ခခံကာကြံစည်တယ်၊ သူရဲကောင်းတဲ့ ဗိုလ်အောင်ဆန်းနဲ့ အာဇာနည်တွေရယ် …” တဲ့။ သီချင်းသံတွေ ဟိန်းနေအောင်ကြားရတယ်။ တက်ကြွမိတယ်။
“ငါတို့ဗမာပြည်မယ် … မိဘအပေါင်းကရယ် … ဗိုလ်အောင်ဆန်းလိုကွယ် သူရဲကောင်းတွေ မွေးကြရမယ်” တဲ့။ ကောင်းလိုက်တဲ့စာသား၊ ရင်ထဲမှာ တောက်ကြွားပါပေ့။
“ရဲဘော်သုံးကျိပ်” ဆိုပါလားဟေ့။ အားရစရာကြီး။ ဗိုလ်အောင်ဆန်း၊ ဗိုလ်ရန်နိုင်၊ ဗိုလ်လက်ျာ၊ ဗိုလ်ကျော်ဇော၊ ဗိုလ်နေ၀င်း၊ ဗိုလ်မှူးအောင်၊ ဗိုလ်မင်းခေါင် … စတဲ့ အသံတွေကြားရတယ်။ နာမည်တွေကြားရတယ်။
ရွာထဲမှာ သုံးရောင်ခြယ်ဒေါင်းအလံကြီးကို ကိုင်ဆောင်ထားတဲ့လူငယ်တွေ လှည့်လာကြတယ်။ ပြည်သူတွေက ချစ်လိုက်ကြတာ။ သပြေပန်းတွေ ရေချမ်းတွေနဲ့ သောင်းသောင်းဖြဖြ ကြိုဆိုနေကြတာ သတိရတယ်။ အဲဒီရှုခင်းကို မမေ့နိုင်ဘူး။ “သခင်မျိုးဟေ့ … တို့ဗမာ” ဆိုတဲ့ ကြွေးကြော်သံကြီးကို ကြားယောင်ယောင်။
(၂)
နယ်ချဲ့အင်္ဂလိပ်တော်လှန်ရေး … တဲ့။ နောက်ပြီးတော့ … ဖက်ဆစ်ဂျပန်တော်လှန်ရေး … တဲ့။ ဒီတော်လှန်ရေးတွေကို ဗိုလ်ချုပ်အောင်ဆန်းနဲ့ ရဲဘော်သုံးကျိပ်တွေက ဦးဆောင်သတဲ့။ တပြည်လုံး ပြည်သူတွေက ထောက်ခံခဲ့ကြလို့တခဲနက် ၀က်ဝက်ကွဲအောင်မြင်ခဲ့သတဲ့။ ရွာကလူငယ်တွေလည်း တပ်မတော်ထဲ လိုက်သွားကြသတဲ့။ ကိုရင်ဝတ်နေတုန်း သင်္ကန်းတွေပုံထားခဲ့ပြီး ဗမာ့တပ်မတော်ထဲ ပါသွားကြသတဲ့။ ဗိုလ်မှတ်တို့၊ ဗိုလ်ထွန်းကြိုင်တို့ဆိုပဲ။ တို့ရွာက သူရဲကောင်း တွေပေါ့။ ဂုဏ်ယူစရာ၊ အားကျစရာ။
“ဖန်နေ၀န်းသို့ညီ၊ ထွန်းလင်းပြောင်ပေသည်.. ဒါတို့တိုင်း၊ တို့ပြည် …. တို့ကာကွယ်မည်”
(၃)
မြန်မာနိုင်ငံ လွတ်လပ်ရေးမကြေညာမီ ၁၉၄၇ ခုနှစ် ဇူလိုင်လ (၁၉) ရက်နေ့မှာ ဗိုလ်ချုပ်အောင်ဆန်းတို့ ကျဆုံးခဲ့ရတယ်။ ကြေကွဲလို့မဆုံး၊ ၀မ်းနည်းလို့မဆုံး။ ငါတို့ရွာ ပြည်သူ့ရဲဘော်တပ်ဖွဲ့ရုံးနဲ့ ကွန်မြူနစ်ပါတီ ရုံးခန်းက ရဲဘော်လူငယ်တွေ မြေမှာလူးလှိမ့်ပြီး ငိုကြွေးကြ၊ တိုင်နဲ့ခေါင်းဆောင့်ပြီး တက်မတတ် ချက်မတတ် ငိုကြွေးကြနဲ့ ပွက်လောရိုက်ကုန်တယ်။ ရွာထဲက မိန်းမကြီးတွေလည်း ငိုကြီးချက်မ။ ဘုရားတကာ ဘုရားအမတွေကအစ မနေနိုင်။ မျက်ရည်တွေဖြိုင်ဖြိုင်ကျနေလို့ ရေစက်တောင် ဖြောင့်ဖြောင့်မချနိုင်။
“မြန်မာမျိုးတွက်တာ … ခက်စရာ၊
ကိုးကွယ်ရာမဲ့ ကြုံလာပြီကွယ်၊
လူသားမိစ္ဆာလက်ဝယ် …
ခေါင်းဆောင်တွေဖြင့် ခန္ဓာကြွေရတယ်” …. တဲ့။
ကြေကွဲဝမ်းနည်းစရာ သီချင်းသံတွေ ဖုံးလွှမ်းလို့။
“သောင်းမြန် မရဏာသမုတ်မှာတော့
ချုပ်သနဲ့ ယင်းအလိုတွင် …
အောင်ဆန်းရယ် … ဒေါင်းလံ ပုဝါအုပ်ပါလို့
ကျုပ်ဖြင့် သင်္ဂြိုဟ်ချင်” တဲ့။
ဆရာကြီးသခင်ကိုယ်တော်မှိုင်းက အာဇာနည်ကဗျာကြီးရေးပြီး ငိုရှာတယ်။
တပြည်လုံးညှိုးချုံးစိတ်ငယ် ၀မ်းနည်းဖွယ်ပေါ့။
(၄)
ကိုင်း ဒီနေ့ တပ်မတော်သမိုင်း။ ကောင်းကြသေးရဲ့လားဗျာတို့။
ဗိုလ်ချုပ်အောင်ဆန်းတို့ခေတ်က တပ်မတော်သမိုင်းနဲ့မတူဘဲ ဗိုလ်နေ၀င်းခေတ်က တပ်မတော်သမိုင်း အရိုင်းတကာ့ ရိုင်းလိုက်ပုံများ ပြောမပြောချင်။ ရေးလည်းမရေးချင်။ လက်နက်အားကိုးနဲ့ ပြည်သူတွေကို ဓားမိုးနှိပ်ကွပ်နေတဲ့ တပ်မတော်သမိုင်း၊ ရှက်လည်းရှက်မိပါရဲ့။
မရေးချင် မဖွဲ့ချင်ပေမယ့် ရေးရဦးတော့မှာပဲ။ ၁၉၊ ၆၊ ၂၀၀၅ နေ့က ဒေါ်စုမွေးနေ့မဟုတ်လား။ ဗိုလ်ချုပ်ကွယ်လွန်စဉ်က ရင်ခွင်ပိုက်ကလေးမျှသာဖြစ်တဲ့ ဒေါ်အောင်ဆန်းစုကြည်ဟာ ခုတော့ တပ်မတော်ရဲ့ အကျဉ်းသားဖြစ်နေရရှာပြီ။
“ပြည်သူ့တပ်မတော်” ဖြစ်လိုလျှင်
“အောင်ဆန်း” ဆိုတာ၊ “စု” ဆိုတာ
ပြည်သူ့ဘက်က၊ တို့ဘက်က။
တို့တိုင်းပြည်ဟာ
ဆောင်ဆန်းတိုင်းပြည်၊ စုတိုင်းပြည်ကွဲ့။
နေ၀င်းတိုင်းပြည်၊ စစ်တိုင်းပြည်မဟုတ်။
ဆန်းနဲ့စုက
ပြည်သူ့ချစ်သား၊ ချစ်သမီး။
နေ၀င်းနဲ့တပ်က၊ သေမင်းတပ်။
အပြတ်အသတ် ပြည်သူမုန်းတဲ့
တပ်လုံးလုံး၊ ခပ်တုံးတုံး။
အောင်ဆန်းရဲ့သား၊ ပြည်သူပြည်သားတွေကို
လက်ပါးစေလုပ်၊ လက်ဝါးကြီးအုပ်ဖို့
အယုတ်တမာ ကြံစည်ခဲ့ကြတယ်။
ဒီအကြံရိုင်း၊ အမှန်အတိုင်းကို
မဆိုင်းဖွင့်ချတဲ့ စုပါးစပ်ကို
သေနတ်နဲ့ပိတ်ဖို့ ကြံစည်ခဲ့တယ်။
တပ်မတော်သား၊ ပြည်သူ့သားတို့
တရားသည်ကို၊ ချစ်တယ်ဆိုရင်
“စု” ကိုလွှတ်လိုက်ကြပါလေ။
ပြည်သူ့ရင်ခွင်၊ စုရင်ခွင်သို့
ခိုဝင်လှည့်ကြပါကုန်လော့။
အောင်ဆန်းရဲ့သား၊ စုရဲ့သားတို့
မြတ်တရားကို ချစ်ကုန်လော့။
ရာဇ၀င်တန်ဆောင်၊ ဂုဏ်ရည်ပြောင်အောင်
အောင်ဆန်းတပ်မတော် ထူထောင်လော့။
ပြည်သူနဲ့ တပ်မတော်
တူပျော်ပျော်လက်တွဲပြီး
သူရဲကောင်း အာဇာနည်ဖြစ်စေလော့။
ဖက်ဆစ်ဝါဒ၊ အုတ်မြစ်ချတဲ့
ဒမြတပ်မတော် မဖြစ်စေရ။
ပြည်သူတိုင်းက၊ ချစ်မြတ်နိုးကြတဲ့
ဗမာ့တပ်မတော် ဖြစ်စေလော့။ ။
ခေတ်ပြိုင်ဂျာနယ် အတွဲ (၁၅၀)၊ နိုဝင်ဘာ ၂၀၀၅
(၁)
“တပ်မတော်” တဲ့။ ဒီနာမည်ကလေးကြားရ ရင်ထဲမှာ ချိုမြ။ ဒါကတော့ ဂျပန်ဝင်ခါစက ဘီအိုင်အေ … တဲ့။ ဘီဒီအေ …တဲ့။ နာမည်တွေက ကြားနေရတယ်။ ဘာမှန်းညာမှန်းတော့မသိ။ သိတာကတော့ တပ်မတော်လို့ အသံကြားတိုင်း ပီတိဖြစ်တယ်။ ကြက်သီးမွေးညင်းထတယ်။
“ဗိုလ်ချုပ်အောင်ဆန်း” တဲ့။ ဒီအသံကြားလျှင်ကြားချင်း ချစ်စိတ်ဝင်မိတယ်။ ငါတုိ့နိုင်ငံကိုကယ်တင်မယ့် ကယ်တင်ရှင်လို့ ထင်တယ်။ ငါတို့ရဲ့အကျိုးကို သက်စွန့်ကြိုးပမ်းထမ်းဆောင်မယ့် သူရဲကောင်းရယ်လို့ သွေးထဲမှာ စိမ့်ဝင်သွားတယ်။
“ဗမာ့လွတ်လပ်ရေးအတွက် တပ်မတော်ဖွဲ့လို့ ဂျပန်ပြည်မှာကွယ် … တကယ်ပဲအသက်နဲ့လဲလို့ ဆင်းရဲ ဒုက္ခခံကာကြံစည်တယ်၊ သူရဲကောင်းတဲ့ ဗိုလ်အောင်ဆန်းနဲ့ အာဇာနည်တွေရယ် …” တဲ့။ သီချင်းသံတွေ ဟိန်းနေအောင်ကြားရတယ်။ တက်ကြွမိတယ်။
“ငါတို့ဗမာပြည်မယ် … မိဘအပေါင်းကရယ် … ဗိုလ်အောင်ဆန်းလိုကွယ် သူရဲကောင်းတွေ မွေးကြရမယ်” တဲ့။ ကောင်းလိုက်တဲ့စာသား၊ ရင်ထဲမှာ တောက်ကြွားပါပေ့။
“ရဲဘော်သုံးကျိပ်” ဆိုပါလားဟေ့။ အားရစရာကြီး။ ဗိုလ်အောင်ဆန်း၊ ဗိုလ်ရန်နိုင်၊ ဗိုလ်လက်ျာ၊ ဗိုလ်ကျော်ဇော၊ ဗိုလ်နေ၀င်း၊ ဗိုလ်မှူးအောင်၊ ဗိုလ်မင်းခေါင် … စတဲ့ အသံတွေကြားရတယ်။ နာမည်တွေကြားရတယ်။
ရွာထဲမှာ သုံးရောင်ခြယ်ဒေါင်းအလံကြီးကို ကိုင်ဆောင်ထားတဲ့လူငယ်တွေ လှည့်လာကြတယ်။ ပြည်သူတွေက ချစ်လိုက်ကြတာ။ သပြေပန်းတွေ ရေချမ်းတွေနဲ့ သောင်းသောင်းဖြဖြ ကြိုဆိုနေကြတာ သတိရတယ်။ အဲဒီရှုခင်းကို မမေ့နိုင်ဘူး။ “သခင်မျိုးဟေ့ … တို့ဗမာ” ဆိုတဲ့ ကြွေးကြော်သံကြီးကို ကြားယောင်ယောင်။
(၂)
နယ်ချဲ့အင်္ဂလိပ်တော်လှန်ရေး … တဲ့။ နောက်ပြီးတော့ … ဖက်ဆစ်ဂျပန်တော်လှန်ရေး … တဲ့။ ဒီတော်လှန်ရေးတွေကို ဗိုလ်ချုပ်အောင်ဆန်းနဲ့ ရဲဘော်သုံးကျိပ်တွေက ဦးဆောင်သတဲ့။ တပြည်လုံး ပြည်သူတွေက ထောက်ခံခဲ့ကြလို့တခဲနက် ၀က်ဝက်ကွဲအောင်မြင်ခဲ့သတဲ့။ ရွာကလူငယ်တွေလည်း တပ်မတော်ထဲ လိုက်သွားကြသတဲ့။ ကိုရင်ဝတ်နေတုန်း သင်္ကန်းတွေပုံထားခဲ့ပြီး ဗမာ့တပ်မတော်ထဲ ပါသွားကြသတဲ့။ ဗိုလ်မှတ်တို့၊ ဗိုလ်ထွန်းကြိုင်တို့ဆိုပဲ။ တို့ရွာက သူရဲကောင်း တွေပေါ့။ ဂုဏ်ယူစရာ၊ အားကျစရာ။
“ဖန်နေ၀န်းသို့ညီ၊ ထွန်းလင်းပြောင်ပေသည်.. ဒါတို့တိုင်း၊ တို့ပြည် …. တို့ကာကွယ်မည်”
(၃)
မြန်မာနိုင်ငံ လွတ်လပ်ရေးမကြေညာမီ ၁၉၄၇ ခုနှစ် ဇူလိုင်လ (၁၉) ရက်နေ့မှာ ဗိုလ်ချုပ်အောင်ဆန်းတို့ ကျဆုံးခဲ့ရတယ်။ ကြေကွဲလို့မဆုံး၊ ၀မ်းနည်းလို့မဆုံး။ ငါတို့ရွာ ပြည်သူ့ရဲဘော်တပ်ဖွဲ့ရုံးနဲ့ ကွန်မြူနစ်ပါတီ ရုံးခန်းက ရဲဘော်လူငယ်တွေ မြေမှာလူးလှိမ့်ပြီး ငိုကြွေးကြ၊ တိုင်နဲ့ခေါင်းဆောင့်ပြီး တက်မတတ် ချက်မတတ် ငိုကြွေးကြနဲ့ ပွက်လောရိုက်ကုန်တယ်။ ရွာထဲက မိန်းမကြီးတွေလည်း ငိုကြီးချက်မ။ ဘုရားတကာ ဘုရားအမတွေကအစ မနေနိုင်။ မျက်ရည်တွေဖြိုင်ဖြိုင်ကျနေလို့ ရေစက်တောင် ဖြောင့်ဖြောင့်မချနိုင်။
“မြန်မာမျိုးတွက်တာ … ခက်စရာ၊
ကိုးကွယ်ရာမဲ့ ကြုံလာပြီကွယ်၊
လူသားမိစ္ဆာလက်ဝယ် …
ခေါင်းဆောင်တွေဖြင့် ခန္ဓာကြွေရတယ်” …. တဲ့။
ကြေကွဲဝမ်းနည်းစရာ သီချင်းသံတွေ ဖုံးလွှမ်းလို့။
“သောင်းမြန် မရဏာသမုတ်မှာတော့
ချုပ်သနဲ့ ယင်းအလိုတွင် …
အောင်ဆန်းရယ် … ဒေါင်းလံ ပုဝါအုပ်ပါလို့
ကျုပ်ဖြင့် သင်္ဂြိုဟ်ချင်” တဲ့။
ဆရာကြီးသခင်ကိုယ်တော်မှိုင်းက အာဇာနည်ကဗျာကြီးရေးပြီး ငိုရှာတယ်။
တပြည်လုံးညှိုးချုံးစိတ်ငယ် ၀မ်းနည်းဖွယ်ပေါ့။
(၄)
ကိုင်း ဒီနေ့ တပ်မတော်သမိုင်း။ ကောင်းကြသေးရဲ့လားဗျာတို့။
ဗိုလ်ချုပ်အောင်ဆန်းတို့ခေတ်က တပ်မတော်သမိုင်းနဲ့မတူဘဲ ဗိုလ်နေ၀င်းခေတ်က တပ်မတော်သမိုင်း အရိုင်းတကာ့ ရိုင်းလိုက်ပုံများ ပြောမပြောချင်။ ရေးလည်းမရေးချင်။ လက်နက်အားကိုးနဲ့ ပြည်သူတွေကို ဓားမိုးနှိပ်ကွပ်နေတဲ့ တပ်မတော်သမိုင်း၊ ရှက်လည်းရှက်မိပါရဲ့။
မရေးချင် မဖွဲ့ချင်ပေမယ့် ရေးရဦးတော့မှာပဲ။ ၁၉၊ ၆၊ ၂၀၀၅ နေ့က ဒေါ်စုမွေးနေ့မဟုတ်လား။ ဗိုလ်ချုပ်ကွယ်လွန်စဉ်က ရင်ခွင်ပိုက်ကလေးမျှသာဖြစ်တဲ့ ဒေါ်အောင်ဆန်းစုကြည်ဟာ ခုတော့ တပ်မတော်ရဲ့ အကျဉ်းသားဖြစ်နေရရှာပြီ။
“ပြည်သူ့တပ်မတော်” ဖြစ်လိုလျှင်
“အောင်ဆန်း” ဆိုတာ၊ “စု” ဆိုတာ
ပြည်သူ့ဘက်က၊ တို့ဘက်က။
တို့တိုင်းပြည်ဟာ
ဆောင်ဆန်းတိုင်းပြည်၊ စုတိုင်းပြည်ကွဲ့။
နေ၀င်းတိုင်းပြည်၊ စစ်တိုင်းပြည်မဟုတ်။
ဆန်းနဲ့စုက
ပြည်သူ့ချစ်သား၊ ချစ်သမီး။
နေ၀င်းနဲ့တပ်က၊ သေမင်းတပ်။
အပြတ်အသတ် ပြည်သူမုန်းတဲ့
တပ်လုံးလုံး၊ ခပ်တုံးတုံး။
အောင်ဆန်းရဲ့သား၊ ပြည်သူပြည်သားတွေကို
လက်ပါးစေလုပ်၊ လက်ဝါးကြီးအုပ်ဖို့
အယုတ်တမာ ကြံစည်ခဲ့ကြတယ်။
ဒီအကြံရိုင်း၊ အမှန်အတိုင်းကို
မဆိုင်းဖွင့်ချတဲ့ စုပါးစပ်ကို
သေနတ်နဲ့ပိတ်ဖို့ ကြံစည်ခဲ့တယ်။
တပ်မတော်သား၊ ပြည်သူ့သားတို့
တရားသည်ကို၊ ချစ်တယ်ဆိုရင်
“စု” ကိုလွှတ်လိုက်ကြပါလေ။
ပြည်သူ့ရင်ခွင်၊ စုရင်ခွင်သို့
ခိုဝင်လှည့်ကြပါကုန်လော့။
အောင်ဆန်းရဲ့သား၊ စုရဲ့သားတို့
မြတ်တရားကို ချစ်ကုန်လော့။
ရာဇ၀င်တန်ဆောင်၊ ဂုဏ်ရည်ပြောင်အောင်
အောင်ဆန်းတပ်မတော် ထူထောင်လော့။
ပြည်သူနဲ့ တပ်မတော်
တူပျော်ပျော်လက်တွဲပြီး
သူရဲကောင်း အာဇာနည်ဖြစ်စေလော့။
ဖက်ဆစ်ဝါဒ၊ အုတ်မြစ်ချတဲ့
ဒမြတပ်မတော် မဖြစ်စေရ။
ပြည်သူတိုင်းက၊ ချစ်မြတ်နိုးကြတဲ့
ဗမာ့တပ်မတော် ဖြစ်စေလော့။ ။
ခေတ်ပြိုင်ဂျာနယ် အတွဲ (၁၅၀)၊ နိုဝင်ဘာ ၂၀၀၅
treasure of my life, poems from my heart - 53
ဘ၀ထဲက ရတနာ၊ ရင်ထဲက ကဗျာ (၅၃)
(၁)
မြန်မာမှုမှာ “အိမ်တဆောင်မီးတပြောင်” ဆိုတဲ့ စကားရှိပါတယ်။ လူမှန်ရင် တအိုးတအိမ် ထူထောင်ရစမြဲပါ။ အိမ်ထောင်ရှိသူတိုင်း ကိုယ့်အိုး၊ ကိုယ့်အိမ်နဲ့ လွတ်လွတ်လပ်လပ်နေချင်ကြတာ ဓမ္မတာပါ။
ဒီနေ့ခေတ်မှာက ကိုယ်ပိုင်အိုးအိမ်နဲ့နေနိုင်ဖို့ မနည်းကြိုးစားကြရပါတယ်။ လင်ရော မယားပါ ချွေတာနိုင်၊ စုဆောင်းနိုင်ပါမှ၊ အလိမ္မာဖက်နိုင်ပါမှ အိုးပိုင်အိမ်ပိုင်နဲ့ နေခွင့်ရကြပါတယ်။ မြို့ကြီးပြကြီးမှာနေရေးက အလွန်ခက်လှပါတယ်။
ကျနော်တို့လည်း ရန်ကုန်တက္ကသိုလ် ဘာသာပြန်ဌာနမှာ အလုပ်လုပ်ခဲ့တော့ တက္ကသိုလ်ကပေးတဲ့ အိမ်ခန်းမှာ နှစ်ပေါင်း (၂၀) ကျော် နေခဲ့ရပါတယ်။ ကိုယ်ပိုင်အိမ်ကလေးတလုံးဝယ်နိုင်ဖို့ နှစ်များစွာ ကြိုစားခဲ့ရပါတယ်။ မိတ်ဆွေပေါင်းအသင်းများရဲ့ ကျေးဇူးကြောင့် အင်းစိန် မင်းကြီးလမ်းမှာ အိမ်ကလေးတလုံး ပိုင်ဆိုင်ခွင့်ရပါတယ်။ ဒါ့ကြောင့် ၁၉၈၈ ခု ဧပြီလ (၁၀) ရက်နေ့မှာ အင်းစိန် မင်းကြီးလမ်းကို ပြောင်းရွှေ့နေခဲ့ရပါတော့တယ်။
(၂)
အင်းစိန်မင်းကြီးလမ်း စပယ်ရုံလမ်းအ၀င် ကသွယ်ချောင်းကလေးဖြတ်စီးရာ တံတားဦးထိပ်ကအိမ်မှာ အေးအေးချမ်းချမ်းနဲ့ စာပေပန်း၊ ကဗျာပန်းတွေသီကုံးရင်း ပျော်မွေ့တော့မယ်လို့ စိတ်နှလုံးဒုံးဒုံးချခါမှ ရှစ်လေးလုံး အရေးတော်ပုံကြီး ပေါ်လာတော့တယ်။ ကိုယ်ကိုယ်တိုင်ကလည်း ပြည်သူထဲက ပြည်သူတဦးမို့ ရှစ်လေးလုံးအရေးတော်ပုံမှာ ကလောင်နဲ့ပါဝင်ခဲ့ပါတယ်။ ကသွယ်စမ်းချောင်းထိပ် မအူပင်ရိပ်၊ ကံ့ကော်ပင်ရိပ်၊ ပနားမားငုပင်ရိပ်မှာ လမ်းပေါ်က “တို့အရေး၊ တို့အရေး” ဆိုတဲ့အသံတွေကို ကျနော့် ကာရန်တွေက ထောက်ခံနေမိတယ်။ “အမေ့သား … စကားတိုးတိုးပြောလှည့်ပါ့” “ကွန်မြူနစ်ဆန့်ကျင်ရေး လူကြီးမင်းများသို့” “အမေ့လက်သို့ အောင်သပြေခက်” စသဖြင့် … စသဖြင့် …။
မကြာခင် လမ်းမပေါ်မှာ စစ်သေနတ်သံတွေ လွှမ်းလာတယ်။ လူထုတွေ ဖရိုဖရဲ အပြိုပြိုအကွဲကွဲ ပြေးလွှားလာကြတယ်။ လူတွေ ပုန်းအောင်းကြ၊ ရှောင်တိမ်းကြရတဲ့ ကာလကြီးထဲမှာ ကျနော့်ဇနီး ဆုံးသွားတယ်။ သားနဲ့သမီးများတို့ မျက်ရည်မစဲခင်မှာ ကျနော်က ကိုယ့်အိမ်နဲ့ မိသားစုကိုစွန့်ခွာပြီး အင်းစိန်ထောင် ရောက်သွားရတယ်။ လောကဓံလှိုင်းလုံး ရိုက်ခတ်သမျှ ခံစားခဲ့ရလေရဲ့။
(၃)
ရှစ်လေးလုံးအရေးတော်ပုံကြီးမှာ မြန်မာလူထုရဲ့ ဒီမိုကရေစီတောင်းဆိုမှုဟာ မှန်ကန်တယ်။ ဒီလူထု အရေးတော်ပုံကြီးကို ခေါင်းဆောင်တဲ့ ဒေါ်အောင်ဆန်းစုကြည်နဲ့ အန်အယ်လ်ဒီ ခေါင်းဆောင်တွေရဲ့သတ္တိရှိရှိ ရဲရဲရင့်ရင့်နဲ့ ဦးဆောင်မှုပေးတာကိုလည်း နှစ်သက်ကြည်ညိုတယ်။ ဒီလိုယုံကြည်မှုဟာ ရိုးရိုးသားသား၊ မှန်မှန်ကန်ကန် ယုံကြည်ခြင်းသာ ဖြစ်ပါတယ်။ ဒါကြောင့် ၁၉၉၅ ခု ဖေဖော်ဝါရီမှာ ကျနော့်ကို အင်းစိန်ထောင်က လွှတ်ပေးခဲ့ပေမယ့် လူထုနဲ့ လူထုခေါင်းဆောင်တွေကို ယုံကြည်လျက်ပဲ ရှိပါတယ်။ ဒီတော့ အကျိုးဆက်က ကျနော်နဲ့ မလှမ်းမကမ်းမှာ စစ်ထောက်လှမ်းရေးက အမြဲမပြတ် စောင့်ကြည့်နေတော့တာပေါ့။ ကျနော်ဟာ နိုင်ငံရေးသမားတဦး မဟုတ်ပေမယ့် လူထုနဲ့အတူရပ်တည်နေတဲ့ စာပေသမားတဦးလို့သတ်မှတ်ပြီး ထစ်ခနဲဆို ဖမ်းဖို့ ကြံစဉ်နေပြီပေါ့။
(၄)
ဒီအကြောင်းကိုသိနေတဲ့ ဘယ်လ်ဂျီယံရောက် သမီးဆရာဝန်က “ဖေဖေ … အင်းစိန်ထောင်ထဲနေမယ့် အစား ဘယ်လ်ဂျီယံမှာ လာနေပါ” လို့ ဖိတ်ခေါ်စီစဉ်လိုက်တာနဲ့ ဥရောပကို ၁၉၉၉ ခု သြဂုတ်လမှာ ကျနော် ရောက်လာရပါတယ်။ သမီးရဲ့ခင်ပွန်းက ဘယ်လ်ဂျီယံနိုင်ငံသားပါ။ မြန်မာပြည်အလည်လာခိုက် ဖူးစာဆုံခဲ့ရသူပါ။ သူက အန့်တ၀ပ်မြို့၊ ရေပေးရေးဌာန (အာဝေေ၀) ကွန်ပျူတာဌာနကပါ။ အန့်တ၀ပ်မြို့က ဌာနဆိုင်ရာအိမ်ခန်းမှာနေရင်း သမက်ရဲ့မွေးရပ်မြေ အက်ဆမ်မြို့မှာ မြေတကွက်ဝယ်ပြီး စနေ၊ တနင်္ဂနွေ အားရက်မှာ ကိုယ်ထူကိုယ်ထ အိမ်ဆောက်ခဲ့တာ အခုတော့ အိမ်ပြီးလို့ သမီးတို့မိသားစု ပြောင်းခဲ့ပါပြီ။ ၂၀၀၅ ခု၊ သြဂုတ်လ (၃၁) ရက်နေ့မှာ ကိုသက် (ဧရာဝတီ)၊ ထွန်းထွန်း၊ မောင်အောင်ဆန်း စတဲ့ မြန်မာလူငယ်တွေ အကူအညီနဲ့ ဘယ်လ်ဂျီယံက မြန်မာအိမ်ကို ပြောင်းရွှေ့နေထိုင်ကြပါပြီ။
ကျနော်လည်း ကိုယ်နေထိုင်ရာ အမေရိကန်နိုင်ငံ၊ ကယ်လီဖိုးနီးယားပြည်နယ် လော့စ်အိန်ဂျလိစ်မြို့ကနေ ကဗျာတပုဒ်ရေးပို့ပြီး အိမ်ပြောင်းမင်္ဂလာကို ကြိုဆိုလိုက်ရပါတယ်။ ကဗျာကတော့ ဒီလိုပါ။
အိမ်တက်မင်္ဂလာ
“သီရိမင်္ဂလာ အိမ်သာယာသို့၊ စန္ဒရာ မာယာတို့ ပြောင်းကာရွှေ့ကာနေကြပြီ … တဲ့။
ဒီမှာ ဘုရားခန်း၊ သပြေပန်းနဲ့ ရေချမ်းဆွမ်းကပ်၊ တရားမှတ်၊ ဒီမှာဖိုးဖိုး ကဗျာမိုးတွေ ရွာဖြိုးလေ …တဲ့။
ဒီမှာမေမေ လေသန့်ရှူရှိုက်၊ ဗိုက်ပိန်ဝိတ်ချ၊ အလှမပျက်၊ မျက်နှာချိုပြုံး လေ့ကျင့်အုံး … တဲ့။
ဒီမှာဖေဖေ၊ ပန်းပင်ရေဖျန်း၊ တီဗွီခန်းနဲ့ ဆန်းဆန်းပြားပြား ဂိမ်းကစား .. တဲ့။
ဒီမှာ စန္ဒရာ၊ ဒီမှာ မာယာ၊ ကစားစရာအစုံ၊ ပုံတွေရေးဆွဲ၊ လက်သဲဆေးဆိုး၊ နှုတ်ခမ်းဆိုးရင်း၊ ပန်းကြိုးပိုးစ၊ ရှုပ်ပွပွနဲ့ ၀လုံးတွေရေး၊ အတွေးပိုပို၊ သီချင်းဆိုမယ် အပျိုမကလေးတွေရဲ့ အခန်းပါ။
သီရိဂေဟာ၊ အဖိုးလာပြီ၊ သြ၀ါဒတွေ၊ မြန်မာမှုတွေ၊ ဘုရားစာတွေ၊ သင်ပေးလေမယ် ကျန်းမာစေမှု၊ သာဓု … သာဓု … တဲ့။ ။
ခေတ်ပြိုင်ဂျာနယ် အတွဲ (၁၄၉)၊ အောက်တိုဘာ ၂၀၀၅
(၁)
မြန်မာမှုမှာ “အိမ်တဆောင်မီးတပြောင်” ဆိုတဲ့ စကားရှိပါတယ်။ လူမှန်ရင် တအိုးတအိမ် ထူထောင်ရစမြဲပါ။ အိမ်ထောင်ရှိသူတိုင်း ကိုယ့်အိုး၊ ကိုယ့်အိမ်နဲ့ လွတ်လွတ်လပ်လပ်နေချင်ကြတာ ဓမ္မတာပါ။
ဒီနေ့ခေတ်မှာက ကိုယ်ပိုင်အိုးအိမ်နဲ့နေနိုင်ဖို့ မနည်းကြိုးစားကြရပါတယ်။ လင်ရော မယားပါ ချွေတာနိုင်၊ စုဆောင်းနိုင်ပါမှ၊ အလိမ္မာဖက်နိုင်ပါမှ အိုးပိုင်အိမ်ပိုင်နဲ့ နေခွင့်ရကြပါတယ်။ မြို့ကြီးပြကြီးမှာနေရေးက အလွန်ခက်လှပါတယ်။
ကျနော်တို့လည်း ရန်ကုန်တက္ကသိုလ် ဘာသာပြန်ဌာနမှာ အလုပ်လုပ်ခဲ့တော့ တက္ကသိုလ်ကပေးတဲ့ အိမ်ခန်းမှာ နှစ်ပေါင်း (၂၀) ကျော် နေခဲ့ရပါတယ်။ ကိုယ်ပိုင်အိမ်ကလေးတလုံးဝယ်နိုင်ဖို့ နှစ်များစွာ ကြိုစားခဲ့ရပါတယ်။ မိတ်ဆွေပေါင်းအသင်းများရဲ့ ကျေးဇူးကြောင့် အင်းစိန် မင်းကြီးလမ်းမှာ အိမ်ကလေးတလုံး ပိုင်ဆိုင်ခွင့်ရပါတယ်။ ဒါ့ကြောင့် ၁၉၈၈ ခု ဧပြီလ (၁၀) ရက်နေ့မှာ အင်းစိန် မင်းကြီးလမ်းကို ပြောင်းရွှေ့နေခဲ့ရပါတော့တယ်။
(၂)
အင်းစိန်မင်းကြီးလမ်း စပယ်ရုံလမ်းအ၀င် ကသွယ်ချောင်းကလေးဖြတ်စီးရာ တံတားဦးထိပ်ကအိမ်မှာ အေးအေးချမ်းချမ်းနဲ့ စာပေပန်း၊ ကဗျာပန်းတွေသီကုံးရင်း ပျော်မွေ့တော့မယ်လို့ စိတ်နှလုံးဒုံးဒုံးချခါမှ ရှစ်လေးလုံး အရေးတော်ပုံကြီး ပေါ်လာတော့တယ်။ ကိုယ်ကိုယ်တိုင်ကလည်း ပြည်သူထဲက ပြည်သူတဦးမို့ ရှစ်လေးလုံးအရေးတော်ပုံမှာ ကလောင်နဲ့ပါဝင်ခဲ့ပါတယ်။ ကသွယ်စမ်းချောင်းထိပ် မအူပင်ရိပ်၊ ကံ့ကော်ပင်ရိပ်၊ ပနားမားငုပင်ရိပ်မှာ လမ်းပေါ်က “တို့အရေး၊ တို့အရေး” ဆိုတဲ့အသံတွေကို ကျနော့် ကာရန်တွေက ထောက်ခံနေမိတယ်။ “အမေ့သား … စကားတိုးတိုးပြောလှည့်ပါ့” “ကွန်မြူနစ်ဆန့်ကျင်ရေး လူကြီးမင်းများသို့” “အမေ့လက်သို့ အောင်သပြေခက်” စသဖြင့် … စသဖြင့် …။
မကြာခင် လမ်းမပေါ်မှာ စစ်သေနတ်သံတွေ လွှမ်းလာတယ်။ လူထုတွေ ဖရိုဖရဲ အပြိုပြိုအကွဲကွဲ ပြေးလွှားလာကြတယ်။ လူတွေ ပုန်းအောင်းကြ၊ ရှောင်တိမ်းကြရတဲ့ ကာလကြီးထဲမှာ ကျနော့်ဇနီး ဆုံးသွားတယ်။ သားနဲ့သမီးများတို့ မျက်ရည်မစဲခင်မှာ ကျနော်က ကိုယ့်အိမ်နဲ့ မိသားစုကိုစွန့်ခွာပြီး အင်းစိန်ထောင် ရောက်သွားရတယ်။ လောကဓံလှိုင်းလုံး ရိုက်ခတ်သမျှ ခံစားခဲ့ရလေရဲ့။
(၃)
ရှစ်လေးလုံးအရေးတော်ပုံကြီးမှာ မြန်မာလူထုရဲ့ ဒီမိုကရေစီတောင်းဆိုမှုဟာ မှန်ကန်တယ်။ ဒီလူထု အရေးတော်ပုံကြီးကို ခေါင်းဆောင်တဲ့ ဒေါ်အောင်ဆန်းစုကြည်နဲ့ အန်အယ်လ်ဒီ ခေါင်းဆောင်တွေရဲ့သတ္တိရှိရှိ ရဲရဲရင့်ရင့်နဲ့ ဦးဆောင်မှုပေးတာကိုလည်း နှစ်သက်ကြည်ညိုတယ်။ ဒီလိုယုံကြည်မှုဟာ ရိုးရိုးသားသား၊ မှန်မှန်ကန်ကန် ယုံကြည်ခြင်းသာ ဖြစ်ပါတယ်။ ဒါကြောင့် ၁၉၉၅ ခု ဖေဖော်ဝါရီမှာ ကျနော့်ကို အင်းစိန်ထောင်က လွှတ်ပေးခဲ့ပေမယ့် လူထုနဲ့ လူထုခေါင်းဆောင်တွေကို ယုံကြည်လျက်ပဲ ရှိပါတယ်။ ဒီတော့ အကျိုးဆက်က ကျနော်နဲ့ မလှမ်းမကမ်းမှာ စစ်ထောက်လှမ်းရေးက အမြဲမပြတ် စောင့်ကြည့်နေတော့တာပေါ့။ ကျနော်ဟာ နိုင်ငံရေးသမားတဦး မဟုတ်ပေမယ့် လူထုနဲ့အတူရပ်တည်နေတဲ့ စာပေသမားတဦးလို့သတ်မှတ်ပြီး ထစ်ခနဲဆို ဖမ်းဖို့ ကြံစဉ်နေပြီပေါ့။
(၄)
ဒီအကြောင်းကိုသိနေတဲ့ ဘယ်လ်ဂျီယံရောက် သမီးဆရာဝန်က “ဖေဖေ … အင်းစိန်ထောင်ထဲနေမယ့် အစား ဘယ်လ်ဂျီယံမှာ လာနေပါ” လို့ ဖိတ်ခေါ်စီစဉ်လိုက်တာနဲ့ ဥရောပကို ၁၉၉၉ ခု သြဂုတ်လမှာ ကျနော် ရောက်လာရပါတယ်။ သမီးရဲ့ခင်ပွန်းက ဘယ်လ်ဂျီယံနိုင်ငံသားပါ။ မြန်မာပြည်အလည်လာခိုက် ဖူးစာဆုံခဲ့ရသူပါ။ သူက အန့်တ၀ပ်မြို့၊ ရေပေးရေးဌာန (အာဝေေ၀) ကွန်ပျူတာဌာနကပါ။ အန့်တ၀ပ်မြို့က ဌာနဆိုင်ရာအိမ်ခန်းမှာနေရင်း သမက်ရဲ့မွေးရပ်မြေ အက်ဆမ်မြို့မှာ မြေတကွက်ဝယ်ပြီး စနေ၊ တနင်္ဂနွေ အားရက်မှာ ကိုယ်ထူကိုယ်ထ အိမ်ဆောက်ခဲ့တာ အခုတော့ အိမ်ပြီးလို့ သမီးတို့မိသားစု ပြောင်းခဲ့ပါပြီ။ ၂၀၀၅ ခု၊ သြဂုတ်လ (၃၁) ရက်နေ့မှာ ကိုသက် (ဧရာဝတီ)၊ ထွန်းထွန်း၊ မောင်အောင်ဆန်း စတဲ့ မြန်မာလူငယ်တွေ အကူအညီနဲ့ ဘယ်လ်ဂျီယံက မြန်မာအိမ်ကို ပြောင်းရွှေ့နေထိုင်ကြပါပြီ။
ကျနော်လည်း ကိုယ်နေထိုင်ရာ အမေရိကန်နိုင်ငံ၊ ကယ်လီဖိုးနီးယားပြည်နယ် လော့စ်အိန်ဂျလိစ်မြို့ကနေ ကဗျာတပုဒ်ရေးပို့ပြီး အိမ်ပြောင်းမင်္ဂလာကို ကြိုဆိုလိုက်ရပါတယ်။ ကဗျာကတော့ ဒီလိုပါ။
အိမ်တက်မင်္ဂလာ
“သီရိမင်္ဂလာ အိမ်သာယာသို့၊ စန္ဒရာ မာယာတို့ ပြောင်းကာရွှေ့ကာနေကြပြီ … တဲ့။
ဒီမှာ ဘုရားခန်း၊ သပြေပန်းနဲ့ ရေချမ်းဆွမ်းကပ်၊ တရားမှတ်၊ ဒီမှာဖိုးဖိုး ကဗျာမိုးတွေ ရွာဖြိုးလေ …တဲ့။
ဒီမှာမေမေ လေသန့်ရှူရှိုက်၊ ဗိုက်ပိန်ဝိတ်ချ၊ အလှမပျက်၊ မျက်နှာချိုပြုံး လေ့ကျင့်အုံး … တဲ့။
ဒီမှာဖေဖေ၊ ပန်းပင်ရေဖျန်း၊ တီဗွီခန်းနဲ့ ဆန်းဆန်းပြားပြား ဂိမ်းကစား .. တဲ့။
ဒီမှာ စန္ဒရာ၊ ဒီမှာ မာယာ၊ ကစားစရာအစုံ၊ ပုံတွေရေးဆွဲ၊ လက်သဲဆေးဆိုး၊ နှုတ်ခမ်းဆိုးရင်း၊ ပန်းကြိုးပိုးစ၊ ရှုပ်ပွပွနဲ့ ၀လုံးတွေရေး၊ အတွေးပိုပို၊ သီချင်းဆိုမယ် အပျိုမကလေးတွေရဲ့ အခန်းပါ။
သီရိဂေဟာ၊ အဖိုးလာပြီ၊ သြ၀ါဒတွေ၊ မြန်မာမှုတွေ၊ ဘုရားစာတွေ၊ သင်ပေးလေမယ် ကျန်းမာစေမှု၊ သာဓု … သာဓု … တဲ့။ ။
ခေတ်ပြိုင်ဂျာနယ် အတွဲ (၁၄၉)၊ အောက်တိုဘာ ၂၀၀၅
treasure of my life, poems from my heart - 52
ဘ၀ထဲက ရတနာ၊ ရင်ထဲက ကဗျာ (၅၂)
(၁)
ဗုဒ္ဓဘာသာဝင်တို့ရဲ့ ပန်းတိုင်ဟာ “နိဗ္ဗာန်” ဆိုတာ လူတိုင်းအသိပါ။ နိဗ္ဗာန်ရရာရကြောင်း ကျင့်ကြံမယ်ဆိုရင် ငါစွဲ အတ္တစွဲပျောက် အောင် အားထုတ်ရမယ်ဆိုတာလည်း အများသဘောပေါက်ပြီး ဖြစ်ပါတယ်။ ငါတည်းဟူသော အတ္တ အစွဲတန်းလန်းနဲ့ သံသရာက လွတ်မြောက်လမ်းဖြစ်တဲ့ နိဗ္ဗာန်နန်းကို ခြေလှမ်းလို့ မဖြစ်နိုင်ပါ။ ဒါက လောကမှထွက်မြောက်ရာလမ်းလေ။
စာပေအနုပညာဖန်တီးတဲ့အခါမှာတော့ အတ္တခေါ်တဲ့ ငါစွဲက အရေးကြီးပါတယ်။ ငါစွဲပါမှ ကဗျာလှသတဲ့။ ဒီအကြောင်းကို ကွယ်လွန်သွားပြီဖြစ်တဲ့ ကဗျာဆရာ တက္ကသိုလ်မင်းမော်က သူရဲ့ သူငယ်ချင်းကဗျာစုမှာ ဒီလိုဖွဲ့ဆိုထားတယ်။
(၂)
စိတ်ပညာ
သူငယ်ချင်း
ကဗျာတိုင်းမှာ၊ အတ္တပါ၏
အတ္တပါမှ၊ ကဗျာလှ၏
အတ္တမပါ၊ ကဗျာဆရာ
ငါလိုက်ရှာ၏၊ ရှာသာရှာ၏
ခုထိမတွေ့။
ပန်းချီတိုင်းမှာ အတ္တပါ၏
မပါမရ၊ ပါနေရ၏
အတ္တပါမှ ပန်းချီလှ၏
အတ္တမပါ၊ ၀ါသနာမပီ
ပန်းချီဆရာ၊ ငါလိုက်ရှာ၏
ရှာသာရှာ၏၊ ခုထိမတွေ့။
သူငယ်ချင်း
ကဗျာမည်သည်
ပန်းချီမည်သည်
ပန်းပုမည်သည် လောကီအလုပ်။
လောကီအလုပ်၊ အတ္တနှုတ်လျှင်
အလုပ်ဖြစ်စရာ၊ မရှိပါတည့်
ငါပြောသည်တွင်၊ မယုံချင်လျှင်
စိတ်ပညာရှင်၊ တဒါဇင်လောက်
မေးချင်မေးကြည့် သူငယ်ချင်း။
တက္ကသိုလ်မင်းမော်
ချယ်ရီမဂ္ဂဇင်း၊ ၈၄၊ ဒီဇင်ဘာ။
ဒီကဗျာကလေးက ပေးတဲ့အမြင်ကို ကွယ်လွန်သူစာရေးဆရာမကြီး ဒေါ်ခင်နှင်းယုက “ပုထုဇဉ်တို့၏ အရိုင်းမြေ” ဆိုတဲ့ ခေါင်းစဉ်နဲ့ ၈၅ ခု၊ ဧပြီလထုတ် ချယ်ရီမဂ္ဂဇင်းမှာ ဖွင့်ဆိုဆွေးနွေးထားပါတယ်။ ဆရာမကြီးရဲ့ “ဇီဝဇိုးစံအိမ်” ဆိုတဲ့ စာပေါင်းချုပ်လည်း ပြန်လည်ထည့်သွင်းထားပါတယ်။
အလွန်စိတ်ဝင်စားစရာကောင်းတဲ့ အတွေးဖြစ်လို့ တဆင့်ပြန်လည်တင်ပြလိုက်ပါတယ်။
(၃)
ဆရာမကြီး ဒေါ်ခင်နှင်းယုက ဆရာဦးကျော်ထွဋ်ရဲ့ ပဋိစ္စသမုပ္ပါဒ်မှာ “နိဗ္ဗာန်မှာ အတ္တပါ၍မရ” ဆိုတဲ့ စကားကို ကိုးကားပြီး “အတ္တသည် နိဗ္ဗာန်နှင့် မဆိုင်ပေ” လို့ ရှင်းပြပါတယ်။
အတ္တဆိုတာ ဘာလဲ။ “အတ္တဆိုတာ ကိုယ်” လို့ ရိုးရိုးလွယ်လွယ် ပြောကြပါစို့။ “မိမိကိုယ် … ငါ” လို့ဆို လိုပါတယ်။
အတ္တ၀ါဒုပါဒါန်ဆိုတာ အတ္တ၀ါဒ + ဥပါဒါန်။ ခန္ဓာကိုယ်ကို “ငါ” လို့စွဲနေတဲ့သဘော။ အနတ္တလက္ခဏာသုတ်မှာ ငါစွဲအတ္တပြုတ်အောင် ဗုဒ္ဓကဟောတာပါ။ အတ္တ၀ါဒကိုပြုတ်အောင် ဗုဒ္ဓကလွဲလို့ ဘယ်သူမှမဟောနိုင်ပါ။
ကိုယ်ကြီးမြင်နေပါလျက်နဲ့ ကိုယ်မဟုတ်ဆိုတဲ့စကားကို မဟာစည်ဆရာတော်က အနိစ္စ၊ ဒုက္ခ၊ အနတ္တ သဘောဟာ “မမြဲဆင်းရဲသဘောပဲ” လို့ရှင်းတယ်။ အနတ္တဆိုတာ သဘောမျှသာ။ သူ့သဘောသူ ဆောင်နေတာ။ မစိုးမပိုင်လို့ နားလည်ရတယ်။ အနတ္တရဲ့ ဆန့်ကျင်ဘက်က အတ္တ။ အတ္တအစွဲကတော့ ရှိစမြဲ။ သက္ကာယကတော့ “စိတ်+ကိုယ်” အရိယာပုဂ္ဂိုလ်တို့မှတပါး သက္ကာယအစွဲ မကင်းနိုင်ကြသေး။
သက္ကာယဒိဋ္ဌိ ငါစွဲရှိနေရင် နိဗ္ဗာန်ကို မျက်မှောက်မပြုနိုင်သေး။ ဒါပေမယ့် အနုပညာသမားတို့မှာ လောကီနယ်သားများသာ ဖြစ်တဲ့အတွက် အတ္တကတော့ ရှိမှာပဲ။
“လူချမ်းသာ၊ နတ်ချမ်းသာ၊ ဗြဟ္မာချမ်းသာ ခံစားရအောင် ဆောက်တည်တဲ့သီလတို့၊ မှန်တဲ့အကျင့်တို့ ဆိုရင် လူ၊ နတ်၊ ဗြဟ္မာ ချမ်းသာရနိုင်တယ်” လို့ ဆရာဦးကျော်ထွဋ်က “မဉ္စူသက ပဋိစ္စသမုပ္ပါဒ်” မှာ ဆိုထားပါသတဲ့။
စာရေးဆရာ၊ ပန်းချီဆရာ၊ ပန်းပုဆရာ အနုပညာဆရာတွေမှာ စေတနာကောင်းထားလေ့ရှိတယ်။ ငါပြုစုရတဲ့ အနုပညာကြောင့် ချမ်းမြေ့ကြပါစေ၊ အမြင်မှန်ရပါစေ၊ ကိုယ့်အမျိုးဂုဏ်ကို ဆောင်နိုင်ကြပါစေ။ ပြည်သူလူထု အများစုကို အကျိုးပြုတဲ့ အနုပညာဖြစ်ပါစေဆိုတဲ့ ကုသိုလ်စေတနာပါတယ်။ ဒါကြောင့် အပါယ်လားမယ် မထင်ပါလို့ ဆရာမကြီးက ရှင်းပြပါတယ်။
ပြီးတော့ မာန်မာနဆိုတာ လောကုတ္တရာမျက်စိနဲ့ကြည့်ရင် ဘယ်မာန်မှ မကောင်းပါဘူး။ ငါနဲ့ငါသာ နှိုင်းစရာလို့ မာနမုန်ယိုတာ ဘယ်ကောင်းပါ့မလဲ။ ဒါပေမယ့် ဇာတိမာန်၊ မိမိအမျိုးသားကိုချစ်တဲ့မာန်၊ အမှန်တရားကိုချစ်တဲ့ မာန်ကတော့ ရှိသင့်ရှိထိုက် ထားသင့်ထားထိုက်တဲ့ မာန်ပါပဲ။
အနုပညာအဖွဲ့အနွဲ့မှာ မရှိကိုလည်း အရှိလုပ်ရတတ်ပါတယ်။ စာဖတ်သူ နားဆင်သူ ညွတ်နူးနှစ်သက် အောင်၊ ရသပါအောင် ဖွဲ့နွဲ့စာဆိုရပါတယ်။ အနုပညာမာယာဆိုတာလည်း ရှိသေးတယ်မဟုတ်လား။ ဆရာတော် ဦးသြဘာသရဲ့ ဟိမ၀န္တာချီးမွမ်းခန်း၊ ဆရာမင်းသုဝဏ်ရဲ့ “အေးရိပ်သာတဲ့ ပြည်ညောင်ညို၊ ဥသြတွန်သံချို” စတဲ့ အနုပညာလက်ရာတွေဟာ ဖတ်သူရဲ့ရင်ထဲမှာ ညွတ်နူးအေးမြပျော်ရွှင်လာအောင် ဖန်တီးရတာ မဟုတ်ပါလားတဲ့။
ပုထုဇဉ်တို့ရဲ့ အရိုင်းမြေဟာ အတ္တနယ်မြေက ဘယ်မှာလွတ်မြောက်နိုင်ပါ့မလဲ။ ဒါပေမယ့် တရားမျှတခြင်း၊ လွတ်လပ်ခြင်း၊ ငြိမ်းချမ်းခြင်း၊ ခွင့်တူညီမျှရှိခြင်းကို ချစ်မြတ်နိုးတဲ့ အနုပညာရှင်တို့ရဲ့ စေတနာနဲ့ ထွန်ယက် စိုက်ပျိုးရင်တော့သီးပွင့်မျိုးစုံနဲ့ သာယာချမ်းမြေ့တဲ့ လူ့ဘောင်ကို ရောက်နိုင်ကောင်းပါရဲ့လို့ မျှော်မှန်းမိပါတယ်။ ။
ခေတ်ပြိုင်ဂျာနယ် အတွဲ (၁၄၈)၊ စက်တင်ဘာ ၂၀၀၅
(၁)
ဗုဒ္ဓဘာသာဝင်တို့ရဲ့ ပန်းတိုင်ဟာ “နိဗ္ဗာန်” ဆိုတာ လူတိုင်းအသိပါ။ နိဗ္ဗာန်ရရာရကြောင်း ကျင့်ကြံမယ်ဆိုရင် ငါစွဲ အတ္တစွဲပျောက် အောင် အားထုတ်ရမယ်ဆိုတာလည်း အများသဘောပေါက်ပြီး ဖြစ်ပါတယ်။ ငါတည်းဟူသော အတ္တ အစွဲတန်းလန်းနဲ့ သံသရာက လွတ်မြောက်လမ်းဖြစ်တဲ့ နိဗ္ဗာန်နန်းကို ခြေလှမ်းလို့ မဖြစ်နိုင်ပါ။ ဒါက လောကမှထွက်မြောက်ရာလမ်းလေ။
စာပေအနုပညာဖန်တီးတဲ့အခါမှာတော့ အတ္တခေါ်တဲ့ ငါစွဲက အရေးကြီးပါတယ်။ ငါစွဲပါမှ ကဗျာလှသတဲ့။ ဒီအကြောင်းကို ကွယ်လွန်သွားပြီဖြစ်တဲ့ ကဗျာဆရာ တက္ကသိုလ်မင်းမော်က သူရဲ့ သူငယ်ချင်းကဗျာစုမှာ ဒီလိုဖွဲ့ဆိုထားတယ်။
(၂)
စိတ်ပညာ
သူငယ်ချင်း
ကဗျာတိုင်းမှာ၊ အတ္တပါ၏
အတ္တပါမှ၊ ကဗျာလှ၏
အတ္တမပါ၊ ကဗျာဆရာ
ငါလိုက်ရှာ၏၊ ရှာသာရှာ၏
ခုထိမတွေ့။
ပန်းချီတိုင်းမှာ အတ္တပါ၏
မပါမရ၊ ပါနေရ၏
အတ္တပါမှ ပန်းချီလှ၏
အတ္တမပါ၊ ၀ါသနာမပီ
ပန်းချီဆရာ၊ ငါလိုက်ရှာ၏
ရှာသာရှာ၏၊ ခုထိမတွေ့။
သူငယ်ချင်း
ကဗျာမည်သည်
ပန်းချီမည်သည်
ပန်းပုမည်သည် လောကီအလုပ်။
လောကီအလုပ်၊ အတ္တနှုတ်လျှင်
အလုပ်ဖြစ်စရာ၊ မရှိပါတည့်
ငါပြောသည်တွင်၊ မယုံချင်လျှင်
စိတ်ပညာရှင်၊ တဒါဇင်လောက်
မေးချင်မေးကြည့် သူငယ်ချင်း။
တက္ကသိုလ်မင်းမော်
ချယ်ရီမဂ္ဂဇင်း၊ ၈၄၊ ဒီဇင်ဘာ။
ဒီကဗျာကလေးက ပေးတဲ့အမြင်ကို ကွယ်လွန်သူစာရေးဆရာမကြီး ဒေါ်ခင်နှင်းယုက “ပုထုဇဉ်တို့၏ အရိုင်းမြေ” ဆိုတဲ့ ခေါင်းစဉ်နဲ့ ၈၅ ခု၊ ဧပြီလထုတ် ချယ်ရီမဂ္ဂဇင်းမှာ ဖွင့်ဆိုဆွေးနွေးထားပါတယ်။ ဆရာမကြီးရဲ့ “ဇီဝဇိုးစံအိမ်” ဆိုတဲ့ စာပေါင်းချုပ်လည်း ပြန်လည်ထည့်သွင်းထားပါတယ်။
အလွန်စိတ်ဝင်စားစရာကောင်းတဲ့ အတွေးဖြစ်လို့ တဆင့်ပြန်လည်တင်ပြလိုက်ပါတယ်။
(၃)
ဆရာမကြီး ဒေါ်ခင်နှင်းယုက ဆရာဦးကျော်ထွဋ်ရဲ့ ပဋိစ္စသမုပ္ပါဒ်မှာ “နိဗ္ဗာန်မှာ အတ္တပါ၍မရ” ဆိုတဲ့ စကားကို ကိုးကားပြီး “အတ္တသည် နိဗ္ဗာန်နှင့် မဆိုင်ပေ” လို့ ရှင်းပြပါတယ်။
အတ္တဆိုတာ ဘာလဲ။ “အတ္တဆိုတာ ကိုယ်” လို့ ရိုးရိုးလွယ်လွယ် ပြောကြပါစို့။ “မိမိကိုယ် … ငါ” လို့ဆို လိုပါတယ်။
အတ္တ၀ါဒုပါဒါန်ဆိုတာ အတ္တ၀ါဒ + ဥပါဒါန်။ ခန္ဓာကိုယ်ကို “ငါ” လို့စွဲနေတဲ့သဘော။ အနတ္တလက္ခဏာသုတ်မှာ ငါစွဲအတ္တပြုတ်အောင် ဗုဒ္ဓကဟောတာပါ။ အတ္တ၀ါဒကိုပြုတ်အောင် ဗုဒ္ဓကလွဲလို့ ဘယ်သူမှမဟောနိုင်ပါ။
ကိုယ်ကြီးမြင်နေပါလျက်နဲ့ ကိုယ်မဟုတ်ဆိုတဲ့စကားကို မဟာစည်ဆရာတော်က အနိစ္စ၊ ဒုက္ခ၊ အနတ္တ သဘောဟာ “မမြဲဆင်းရဲသဘောပဲ” လို့ရှင်းတယ်။ အနတ္တဆိုတာ သဘောမျှသာ။ သူ့သဘောသူ ဆောင်နေတာ။ မစိုးမပိုင်လို့ နားလည်ရတယ်။ အနတ္တရဲ့ ဆန့်ကျင်ဘက်က အတ္တ။ အတ္တအစွဲကတော့ ရှိစမြဲ။ သက္ကာယကတော့ “စိတ်+ကိုယ်” အရိယာပုဂ္ဂိုလ်တို့မှတပါး သက္ကာယအစွဲ မကင်းနိုင်ကြသေး။
သက္ကာယဒိဋ္ဌိ ငါစွဲရှိနေရင် နိဗ္ဗာန်ကို မျက်မှောက်မပြုနိုင်သေး။ ဒါပေမယ့် အနုပညာသမားတို့မှာ လောကီနယ်သားများသာ ဖြစ်တဲ့အတွက် အတ္တကတော့ ရှိမှာပဲ။
“လူချမ်းသာ၊ နတ်ချမ်းသာ၊ ဗြဟ္မာချမ်းသာ ခံစားရအောင် ဆောက်တည်တဲ့သီလတို့၊ မှန်တဲ့အကျင့်တို့ ဆိုရင် လူ၊ နတ်၊ ဗြဟ္မာ ချမ်းသာရနိုင်တယ်” လို့ ဆရာဦးကျော်ထွဋ်က “မဉ္စူသက ပဋိစ္စသမုပ္ပါဒ်” မှာ ဆိုထားပါသတဲ့။
စာရေးဆရာ၊ ပန်းချီဆရာ၊ ပန်းပုဆရာ အနုပညာဆရာတွေမှာ စေတနာကောင်းထားလေ့ရှိတယ်။ ငါပြုစုရတဲ့ အနုပညာကြောင့် ချမ်းမြေ့ကြပါစေ၊ အမြင်မှန်ရပါစေ၊ ကိုယ့်အမျိုးဂုဏ်ကို ဆောင်နိုင်ကြပါစေ။ ပြည်သူလူထု အများစုကို အကျိုးပြုတဲ့ အနုပညာဖြစ်ပါစေဆိုတဲ့ ကုသိုလ်စေတနာပါတယ်။ ဒါကြောင့် အပါယ်လားမယ် မထင်ပါလို့ ဆရာမကြီးက ရှင်းပြပါတယ်။
ပြီးတော့ မာန်မာနဆိုတာ လောကုတ္တရာမျက်စိနဲ့ကြည့်ရင် ဘယ်မာန်မှ မကောင်းပါဘူး။ ငါနဲ့ငါသာ နှိုင်းစရာလို့ မာနမုန်ယိုတာ ဘယ်ကောင်းပါ့မလဲ။ ဒါပေမယ့် ဇာတိမာန်၊ မိမိအမျိုးသားကိုချစ်တဲ့မာန်၊ အမှန်တရားကိုချစ်တဲ့ မာန်ကတော့ ရှိသင့်ရှိထိုက် ထားသင့်ထားထိုက်တဲ့ မာန်ပါပဲ။
အနုပညာအဖွဲ့အနွဲ့မှာ မရှိကိုလည်း အရှိလုပ်ရတတ်ပါတယ်။ စာဖတ်သူ နားဆင်သူ ညွတ်နူးနှစ်သက် အောင်၊ ရသပါအောင် ဖွဲ့နွဲ့စာဆိုရပါတယ်။ အနုပညာမာယာဆိုတာလည်း ရှိသေးတယ်မဟုတ်လား။ ဆရာတော် ဦးသြဘာသရဲ့ ဟိမ၀န္တာချီးမွမ်းခန်း၊ ဆရာမင်းသုဝဏ်ရဲ့ “အေးရိပ်သာတဲ့ ပြည်ညောင်ညို၊ ဥသြတွန်သံချို” စတဲ့ အနုပညာလက်ရာတွေဟာ ဖတ်သူရဲ့ရင်ထဲမှာ ညွတ်နူးအေးမြပျော်ရွှင်လာအောင် ဖန်တီးရတာ မဟုတ်ပါလားတဲ့။
ပုထုဇဉ်တို့ရဲ့ အရိုင်းမြေဟာ အတ္တနယ်မြေက ဘယ်မှာလွတ်မြောက်နိုင်ပါ့မလဲ။ ဒါပေမယ့် တရားမျှတခြင်း၊ လွတ်လပ်ခြင်း၊ ငြိမ်းချမ်းခြင်း၊ ခွင့်တူညီမျှရှိခြင်းကို ချစ်မြတ်နိုးတဲ့ အနုပညာရှင်တို့ရဲ့ စေတနာနဲ့ ထွန်ယက် စိုက်ပျိုးရင်တော့သီးပွင့်မျိုးစုံနဲ့ သာယာချမ်းမြေ့တဲ့ လူ့ဘောင်ကို ရောက်နိုင်ကောင်းပါရဲ့လို့ မျှော်မှန်းမိပါတယ်။ ။
ခေတ်ပြိုင်ဂျာနယ် အတွဲ (၁၄၈)၊ စက်တင်ဘာ ၂၀၀၅
treasure of my life, poems from my heart - 51
ဘ၀ထဲက ရတနာ၊ ရင်ထဲက ကဗျာ (၅၁)
(၁)
အသက်ကြီးလာတော့ ငယ်ငယ်တုန်းကလို ဖျတ်ဖျတ်လတ်လတ် တက်တက်ကြွကြွတော့ မဟုတ်လှတော့ဘူး။ အစစအရာရာ လေးလာတယ်။ အဲဒီဇရာညည်းချင်းကလေးကို ဒီလိုရေးမိပါတယ်။
ဘကြီးအောင်ရဲ့ ဒုက္ခ
အသက်ကလေး ခုနှစ်ဆယ်ကျော်တော့
ပျော်သတိ ပျင်းသတိနဲ့
သတိကို တောင်ဝှေးထောက်
ဘ၀လမ်း လျှောက်ရပြီ။
အငံစား စားလို့
အချိုစား စားလို့
အစားပဲ ခဏခဏမှား
အဖျားတိုင်းလိုက်
သွေးတိုင်းလိုက်နဲ့
စိတ်ကြိုက်နေခွင့်မရပြီ။
စိတ်နှလုံး ကောင်းပါလျက်
နှလုံး မကောင်းဘူး…တဲ့
သတ္တိသွေး ကောင်းပါလျက်
င့ါသွေးက ပုံမမှန် … တဲ့
ပြောင်းပြန်တွေဖြစ်
ငါစိတ်ညစ်လိုက်ပါဘိ။
ဆရာဝန်တွေကလဲ
အချွန်နဲ့ မ ရော့သလား
ရင်ဝ နားကျပ် ထောက်လိုထောက်
သွေးဖောက်လိုဖောက်နဲ့
ပြေးပေါက်တောင်ရှာမရတော့။
ဘ၀ခရီး
မရဏနဲ့ နီးလာတော့
ဘကြီးအောင် ယောင်ခြောက်ဆယ်
သနားဖွယ်သာမြင်
ဘုရား ကယ်တော်မူပါအရှင်။
ဒီလို အိုခြင်းဒုက္ခကို ရေးဖွဲ့မိပါတယ်။
(၂)
ကဲ … ဇရာထောက်တဲ့ အဖိုးတယောက်ဘွဲ့ကို တင်ပြပြီးတဲ့နောက် မြေးငယ်ကလေးရဲ့ ဘွဲ့ကိုလဲ တင်ပြပါအုံးမယ်။
ကျွန်တော့်မှာ ရန်ကုန်က မြေးကလေး (၅) ယောက်၊ ဘယ်လ်ဂျီယမ်က မြေးမကလေး (၂) ယောက်ရှိပါတယ်။
(၃) နှစ်ပြည့်သွားတဲ့ အငယ်ဆုံးမြေးမကလေးက “မာယာ” တဲ့။ မြေးမကလေး မာယာအကြောင်းကို ကဗျာစပ်မိတာက ဒီလိုပါ။
မာယာရှင်မ
“မာယာ” ကလေး သုံးနှစ်ပြည့်
မင်္ဂလာရှိတဲ့မွေးနေ့ပါ။
ကျန်းမာချမ်းသာပါစေကြောင်း
ဖိုးဖိုးဆုမွန်တောင်း။
ဥာဏ်ရည်ကောင်းတဲ့ သမီးငယ်
မူရာမာယာကြွယ်
ချစ်ဖွယ်ကောင်းအောင်နေတတ်လှ
အကင်းပါးသဗျ။
ဗုဒ္ဓဘုရား မြင်လိုက်ရင်
လက်အုပ်ကလေးကိုပြင်
ဦးတင်ပါရဲ့ ကန်တော့ရဲ့
ဖိုးဖိုးဘုရား … တဲ့။
သူ့အဖွားရဲ့ ပုံရိပ်ယောင်
စူးစမ်းတတ်တဲ့ သူ့မျက်မှောင်
မျက်တောင်ကလေးတခတ်ခတ်
သူ့ဥာဏ်ပါးလှပ်လှပ်။
မာယာရဲ့မွေးနေ့က မေလ (၇) ရက်နေ့ပါ။ အိမ်မှာ မြန်မာလိုပြောပေး လေ့ကျင့်ပေးထားတော့ မြန်မာလို ပြောတတ်ပါတယ်။ ကျောင်းမှာတော့ ဒတ်ခ်ျလိုပြောရတာပေါ့လေ။ သူ့အစ်မ (၅) နှစ်အရွယ် စန္ဒရာနဲ့ ကျတော့ မြန်မာလိုပြောကြတယ်။ ကျွန်တော်က ရွှေတိဂုံ၊ မဟာမြတ်မုနိပုံတွေပြပြီး “ဘုရား ဘုရား” လို့ပြတယ်။ လက်အုပ်ချီ ရှိခိုးခိုင်းတယ်။ ဒီတော့ ဘုရားပုံမြင်တာနဲ့ တပြိုင်နက် “ဖိုးဖိုး ဘုရား” ဆိုပြီး လက်အုပ်ကလေး ချီတော့တာပဲ။ “သားအချစ် မြေးအနှစ်” ဆိုတဲ့အတိုင်း ကျွန်တော်ကလည်း မြေးကလေးတွေကို ချစ်ရတော့တာပေါ့။
ဥရောပရောက် ကလေးတွေက ဒတ်ခ်ျနဲ့ ပြင်သစ်စာတတ်မှ ဖြစ်မှာကိုး။ ဘယ်လ်ဂျီယမ်နိုင်ငံကလည်း ဟော်လန်နဲ့နီးတဲ့ အပိုင်းက ဒတ်ခ်ျလိုပြော၊ ပြင်သစ်နဲ့နီးတဲ့အပိုင်းက ပြင်သစ်လိုပြောလေတော့ ဒီနှစ်ဘာသာစလုံး ကျောင်းတွေ ရုံးတွေမှာ တရားဝင်ဘာသာစကားတွေ ဖြစ်နေရတယ်။ ဒီအထဲမှာ အင်္ဂလိပ်စကားက ကမ္ဘာသုံးဖြစ်လေတော့ အင်္ဂလိပ်စာလည်း သင်ရသေးတယ်။ စန္ဒရာတို့ မာယာတို့က မြန်မာသွေးတွေမို့ မြန်မာစကားနဲ့ ဗုဒ္ဓဘာသာကိုလည်း သိနားလည်အောင် သင်ပေးထားရသေးတယ်။ ကလေးတွေမို့ သင်လွယ်၊ တတ်လွယ်တာပေါ့။ တော်တော်တော့ မလွယ်ကြောဘဲ။ အင်း …. ဘာသာစကားတွေတော့ မတတ်မဖြစ် တတ်ရတော့မှာပေါ့လေ။ ။
ခေတ်ပြိုင်ဂျာနယ် အတွဲ (၁၄၇)၊ သြဂုတ် ၂၀၀၅
(၁)
အသက်ကြီးလာတော့ ငယ်ငယ်တုန်းကလို ဖျတ်ဖျတ်လတ်လတ် တက်တက်ကြွကြွတော့ မဟုတ်လှတော့ဘူး။ အစစအရာရာ လေးလာတယ်။ အဲဒီဇရာညည်းချင်းကလေးကို ဒီလိုရေးမိပါတယ်။
ဘကြီးအောင်ရဲ့ ဒုက္ခ
အသက်ကလေး ခုနှစ်ဆယ်ကျော်တော့
ပျော်သတိ ပျင်းသတိနဲ့
သတိကို တောင်ဝှေးထောက်
ဘ၀လမ်း လျှောက်ရပြီ။
အငံစား စားလို့
အချိုစား စားလို့
အစားပဲ ခဏခဏမှား
အဖျားတိုင်းလိုက်
သွေးတိုင်းလိုက်နဲ့
စိတ်ကြိုက်နေခွင့်မရပြီ။
စိတ်နှလုံး ကောင်းပါလျက်
နှလုံး မကောင်းဘူး…တဲ့
သတ္တိသွေး ကောင်းပါလျက်
င့ါသွေးက ပုံမမှန် … တဲ့
ပြောင်းပြန်တွေဖြစ်
ငါစိတ်ညစ်လိုက်ပါဘိ။
ဆရာဝန်တွေကလဲ
အချွန်နဲ့ မ ရော့သလား
ရင်ဝ နားကျပ် ထောက်လိုထောက်
သွေးဖောက်လိုဖောက်နဲ့
ပြေးပေါက်တောင်ရှာမရတော့။
ဘ၀ခရီး
မရဏနဲ့ နီးလာတော့
ဘကြီးအောင် ယောင်ခြောက်ဆယ်
သနားဖွယ်သာမြင်
ဘုရား ကယ်တော်မူပါအရှင်။
ဒီလို အိုခြင်းဒုက္ခကို ရေးဖွဲ့မိပါတယ်။
(၂)
ကဲ … ဇရာထောက်တဲ့ အဖိုးတယောက်ဘွဲ့ကို တင်ပြပြီးတဲ့နောက် မြေးငယ်ကလေးရဲ့ ဘွဲ့ကိုလဲ တင်ပြပါအုံးမယ်။
ကျွန်တော့်မှာ ရန်ကုန်က မြေးကလေး (၅) ယောက်၊ ဘယ်လ်ဂျီယမ်က မြေးမကလေး (၂) ယောက်ရှိပါတယ်။
(၃) နှစ်ပြည့်သွားတဲ့ အငယ်ဆုံးမြေးမကလေးက “မာယာ” တဲ့။ မြေးမကလေး မာယာအကြောင်းကို ကဗျာစပ်မိတာက ဒီလိုပါ။
မာယာရှင်မ
“မာယာ” ကလေး သုံးနှစ်ပြည့်
မင်္ဂလာရှိတဲ့မွေးနေ့ပါ။
ကျန်းမာချမ်းသာပါစေကြောင်း
ဖိုးဖိုးဆုမွန်တောင်း။
ဥာဏ်ရည်ကောင်းတဲ့ သမီးငယ်
မူရာမာယာကြွယ်
ချစ်ဖွယ်ကောင်းအောင်နေတတ်လှ
အကင်းပါးသဗျ။
ဗုဒ္ဓဘုရား မြင်လိုက်ရင်
လက်အုပ်ကလေးကိုပြင်
ဦးတင်ပါရဲ့ ကန်တော့ရဲ့
ဖိုးဖိုးဘုရား … တဲ့။
သူ့အဖွားရဲ့ ပုံရိပ်ယောင်
စူးစမ်းတတ်တဲ့ သူ့မျက်မှောင်
မျက်တောင်ကလေးတခတ်ခတ်
သူ့ဥာဏ်ပါးလှပ်လှပ်။
မာယာရဲ့မွေးနေ့က မေလ (၇) ရက်နေ့ပါ။ အိမ်မှာ မြန်မာလိုပြောပေး လေ့ကျင့်ပေးထားတော့ မြန်မာလို ပြောတတ်ပါတယ်။ ကျောင်းမှာတော့ ဒတ်ခ်ျလိုပြောရတာပေါ့လေ။ သူ့အစ်မ (၅) နှစ်အရွယ် စန္ဒရာနဲ့ ကျတော့ မြန်မာလိုပြောကြတယ်။ ကျွန်တော်က ရွှေတိဂုံ၊ မဟာမြတ်မုနိပုံတွေပြပြီး “ဘုရား ဘုရား” လို့ပြတယ်။ လက်အုပ်ချီ ရှိခိုးခိုင်းတယ်။ ဒီတော့ ဘုရားပုံမြင်တာနဲ့ တပြိုင်နက် “ဖိုးဖိုး ဘုရား” ဆိုပြီး လက်အုပ်ကလေး ချီတော့တာပဲ။ “သားအချစ် မြေးအနှစ်” ဆိုတဲ့အတိုင်း ကျွန်တော်ကလည်း မြေးကလေးတွေကို ချစ်ရတော့တာပေါ့။
ဥရောပရောက် ကလေးတွေက ဒတ်ခ်ျနဲ့ ပြင်သစ်စာတတ်မှ ဖြစ်မှာကိုး။ ဘယ်လ်ဂျီယမ်နိုင်ငံကလည်း ဟော်လန်နဲ့နီးတဲ့ အပိုင်းက ဒတ်ခ်ျလိုပြော၊ ပြင်သစ်နဲ့နီးတဲ့အပိုင်းက ပြင်သစ်လိုပြောလေတော့ ဒီနှစ်ဘာသာစလုံး ကျောင်းတွေ ရုံးတွေမှာ တရားဝင်ဘာသာစကားတွေ ဖြစ်နေရတယ်။ ဒီအထဲမှာ အင်္ဂလိပ်စကားက ကမ္ဘာသုံးဖြစ်လေတော့ အင်္ဂလိပ်စာလည်း သင်ရသေးတယ်။ စန္ဒရာတို့ မာယာတို့က မြန်မာသွေးတွေမို့ မြန်မာစကားနဲ့ ဗုဒ္ဓဘာသာကိုလည်း သိနားလည်အောင် သင်ပေးထားရသေးတယ်။ ကလေးတွေမို့ သင်လွယ်၊ တတ်လွယ်တာပေါ့။ တော်တော်တော့ မလွယ်ကြောဘဲ။ အင်း …. ဘာသာစကားတွေတော့ မတတ်မဖြစ် တတ်ရတော့မှာပေါ့လေ။ ။
ခေတ်ပြိုင်ဂျာနယ် အတွဲ (၁၄၇)၊ သြဂုတ် ၂၀၀၅
treasure of my life, poems from my heart - 50
ဘ၀ထဲက ရတနာ၊ ရင်ထဲက ကဗျာ (၅၀)
(၁)
ဆရာကြီးမှိုင်းဟာ ၁၉၂၀ ခုနှစ်က လူငယ်ကျောင်းသားတွေရှေ့က မားမားမတ်မတ်ရပ်ခဲ့တယ်။ “ထဆင်ထူးကို လုံးကြီးတင်၊ ထီမထင်တဲ့ ကျောင်းတော်သားပဲ” ဆိုတဲ့ ကျောင်းသားတွေဘက်က ….
“ဆရာလဲကွာ … သမတဘုရင် မလူးခင်က၊ ထဆင်ထူးကို တမြည်မြည်သင်ခဲ့သမို့၊ ထီမထင် ကျောင်းတော်သားတွေရဲ့ အမည်အစဉ်ခေါင်းပေါ်အဖျားမှာလ၊ မင်းရို့ဆရာကို စာရင်း “တုို့” ကာထားပေ ရော့” လို့ ရဲရဲတောက် ကြေညာခဲ့ဖူးတယ်။ တပည့်ကျောင်းသားလူငယ်တွေရဲ့ သပိတ်မှောက်တိုက်ပွဲကို ရဲရဲရင့်ရင့်ထောက်ခံခဲ့တယ်။ ဘွိုင်းကောက်ဋီကာရေးပြီး အားပေးခဲ့တယ်။ ရန်ကုန်တက္ကသိုလ်နဲ့ ယုဒဿန်ကောလိပ်နှစ်ခုပေါင်း သပိတ်မှောက်ခဲ့ကြတဲ့ ကျောင်းသားတွေကိုကြည့်ပြီး “ကောဆိုတဲ့ နှစ်လိပ်ပေါင်အောင် သပိတ်တောင်မှောက်ကြသကွဲ့” လို့ အားရ၀မ်းသာ ကဗျာဖွဲ့ဆိုခဲ့တယ်။
အမျိုးသားတက္ကသိုလ်ကြီးဖွင့်တဲ့အခါ လခကောင်းကောင်းရတဲ့ သူရိယအယ်ဒီတာအလုပ်ကိုစွန့်ပြီး လခတပြားတချပ်မှ မရတဲ့ အမျိုးသားတက္ကသိုလ် မြန်မာစာနဲ့ ရာဇ၀င်ပါမောက္ခတာဝန်ကို ထမ်းဆောင် ခဲ့တယ်။
“မင်းတို့ဥာဏ်အမြင် တမိုက်တထွာမျှရယ်နဲ့၊ ငြင်းဖို့သန်ရင် မိုက်ရာကျပေလိမ့်” ဆိုတဲ့ ဆရာကြီးမှိုင်းရဲ့ စိန်ခေါ်သံဟာ မျိုးချစ်လူငယ်တွေရဲ့ အားမာန်ဖြစ်ခဲ့ပါတယ်။
(၂)
ဆရာကြီးက တပည့်လူငယ်ကျောင်းသားကလေးတွေကို “ခွေးမသား” လုိ့ ချစ်စနိုးခေါ်ခဲ့တယ်။ ဒီခွေးမသားကလေးတွေရဲ့ ကျေးဇူးကြောင့် မြန်မာနိုင်ငံ လွတ်လပ်ရေးရခဲ့တယ်။ ဒီခွေးမသားကလေး တွေရဲ့ စွမ်းဆောင်ချက်ကြောင့် မြန်မာ့သမိုင်း ပြောင်လက်ခဲ့ရတယ်။ ခွေးမသားကလေးတွေဟာ ရိုင်းချင်လဲရိုင်းမယ်။ ဒါပေမယ့် ရိုးတယ်။ အနစ်နာခံတယ်။ စွန့်လွှတ်တယ်။ တိုင်းပြည်အပေါ်မှာ သစ္စာရှိ တယ်။ ကိုယ်ကျိုးမဖက်ဘူး။ ကိုယ့်အတွက် စားခွက်မလုဘူး။ ဆရာကြီးမှိုင်းရဲ့ ခွေးမသားကလေးတွေကို တိုင်းပြည်ကချစ်တယ်။ အားကိုးတယ်။
လွတ်လပ်ရေးခေတ်ဦးက မြန်မာနိုင်ငံဝန်ကြီးချုပ်လုပ်နေတဲ့ သခင်နုက ဆရာကြီးမှိုင်းကို သွားရောက် ကန်တော့ပြီး“ဆရာကြီး ကျွန်တော်တို့ကို အရင်တုန်းကလို ခွေးမသားလို့ဆဲပြီး ဆုံးမသွန်သင်ပါအုံး” လို့ ကြည်ကြည်နူးနူး တောင်းပန်တာကို သတင်းစာထဲမှာ ဖတ်လိုက်ရဖူးတယ်။ ဒီအခါမှာ ဆရာကြီးမှိုင်းက ပြုံးပြုံးရွှင်ရွှင် ချစ်ချစ်ခင်ခင်နဲ့ “ခွေးမသားမောင်နု … နိုင်ငံရေးလုပ်တယ်ဆိုတာ ပုတီးစိပ်တာ မဟုတ်ဘူးကွ … ချီးမြှင့်အပ်သူကို ချီးမြှင့်၊ နှိမ်နင်းအပ်သူကို နှိမ်နင်းပြီး တရားမျှတမှုရှိအောင် ဆောင်ရွက်တာကွ” စတဲ့ အဆုံးအမစကားတွေကို မိန့်ဆိုခဲ့တာ ဖတ်ရဖူးပါတယ်။
ဝမ်းမြောက်ကြည်နူးဖွယ်၊ အောက်မေ့လွမ်းဆွတ်ဖွယ် ဖြစ်ရပ်ကလေးတွေပါ။
(၃)
တခါတလေ သမိုင်းဖြစ်စဉ်ကလေးတွေ တစိမ့်စိမ့်ပြန်လည်တွေးမိတယ်။ မိမိကိုယ်ကို ယုံကြည်မှု တည်ဆောက်တာ မင်္ဂလာတရားပါကလားလို့ စဉ်းစားမိတယ်။ မိမိလိပ်ပြာ သန့်သန့်ရှင်းရှင်းရှိမှ မိမိကိုယ် ကို ယုံကြည်မှုတည်ဆောက်လုိ့ရမှာလို့လည်း တွေးမိတယ်။ လိပ်ပြာသန့်ဖို့ ပထမဦးဆုံး လိုအပ်တာက စိတ်စေတနာသန့်သန့် ထားတတ်ဖို့ဖြစ်မယ်။ အများအကျိုးဖြစ်ထွန်းစေလိုတဲ့ စေတနာသန့်ရင် ကိုယ်ပြု သမျှ၊ ပြောသမျှ၊ လုပ်သမျှ၊ နှလုံးသွင်းမိသမျှ ကာယကံ၊ ၀စီကံ၊ မနောကံ သန့်ရှင်းစင်ကြယ်မယ်။ ဒီလိုစိတ်နေသန့်မှ ကိုယ့်ကိုယ်ကို စိတ်ချယုံကြည်တဲ့စိတ်ဓာတ် ခိုင်ခိုင်မြဲမြဲ ထူထောင်နိုင်လိမ့်မယ်။ ဒါမှ အတ္တသမ္မာပဏီဓိမင်္ဂလာဆိုတဲ့ ဂုဏ်နဲ့ ပြည့်စုံနိုင်ပေလိမ့်မယ်။
ဒါကြောင့် … ဒီကဗျာကို ဖွဲ့ခဲ့မိတာဖြစ်မှာပါ။
အတ္တသမ္မာမဏီဓိ
ကိုယ့်အကျိုးမငဲ့၊ အများငဲ့
အမှားမရှိခဲ့။
ကရုဏာတရား၊ မုဒိတာပွား
အမှားမရှိခဲ့။
ပုထုဇဉ်သား၊ ရံခါမှား
ဘုရားမကဲ့ရဲ့။
စေတနာထား၊ လုပ်ဆောင်ငြား
တရားမလွတ်ခဲ့။
ကိုယ်လုပ်သမျှ၊ ကိုယ်သာရ
စိတ်ချယုံကြည်ရဲ့။
ကောင်းတာလုပ်ရင် ကောင်းတာစံရမှာပဲဆိုတာ နေ့စဉ်သုံးတရားစကားပါ။ ယုံကြည်စိတ်ချစွာ လိုက်နာကျင့်သုံးဖို့ အမြဲသတိရှိပါစေ။ ။
ခေတ်ပြိုင်ဂျာနယ် အတွဲ (၁၄၆)၊ ဇူလိုင် ၂၀၀၅
(၁)
ဆရာကြီးမှိုင်းဟာ ၁၉၂၀ ခုနှစ်က လူငယ်ကျောင်းသားတွေရှေ့က မားမားမတ်မတ်ရပ်ခဲ့တယ်။ “ထဆင်ထူးကို လုံးကြီးတင်၊ ထီမထင်တဲ့ ကျောင်းတော်သားပဲ” ဆိုတဲ့ ကျောင်းသားတွေဘက်က ….
“ဆရာလဲကွာ … သမတဘုရင် မလူးခင်က၊ ထဆင်ထူးကို တမြည်မြည်သင်ခဲ့သမို့၊ ထီမထင် ကျောင်းတော်သားတွေရဲ့ အမည်အစဉ်ခေါင်းပေါ်အဖျားမှာလ၊ မင်းရို့ဆရာကို စာရင်း “တုို့” ကာထားပေ ရော့” လို့ ရဲရဲတောက် ကြေညာခဲ့ဖူးတယ်။ တပည့်ကျောင်းသားလူငယ်တွေရဲ့ သပိတ်မှောက်တိုက်ပွဲကို ရဲရဲရင့်ရင့်ထောက်ခံခဲ့တယ်။ ဘွိုင်းကောက်ဋီကာရေးပြီး အားပေးခဲ့တယ်။ ရန်ကုန်တက္ကသိုလ်နဲ့ ယုဒဿန်ကောလိပ်နှစ်ခုပေါင်း သပိတ်မှောက်ခဲ့ကြတဲ့ ကျောင်းသားတွေကိုကြည့်ပြီး “ကောဆိုတဲ့ နှစ်လိပ်ပေါင်အောင် သပိတ်တောင်မှောက်ကြသကွဲ့” လို့ အားရ၀မ်းသာ ကဗျာဖွဲ့ဆိုခဲ့တယ်။
အမျိုးသားတက္ကသိုလ်ကြီးဖွင့်တဲ့အခါ လခကောင်းကောင်းရတဲ့ သူရိယအယ်ဒီတာအလုပ်ကိုစွန့်ပြီး လခတပြားတချပ်မှ မရတဲ့ အမျိုးသားတက္ကသိုလ် မြန်မာစာနဲ့ ရာဇ၀င်ပါမောက္ခတာဝန်ကို ထမ်းဆောင် ခဲ့တယ်။
“မင်းတို့ဥာဏ်အမြင် တမိုက်တထွာမျှရယ်နဲ့၊ ငြင်းဖို့သန်ရင် မိုက်ရာကျပေလိမ့်” ဆိုတဲ့ ဆရာကြီးမှိုင်းရဲ့ စိန်ခေါ်သံဟာ မျိုးချစ်လူငယ်တွေရဲ့ အားမာန်ဖြစ်ခဲ့ပါတယ်။
(၂)
ဆရာကြီးက တပည့်လူငယ်ကျောင်းသားကလေးတွေကို “ခွေးမသား” လုိ့ ချစ်စနိုးခေါ်ခဲ့တယ်။ ဒီခွေးမသားကလေးတွေရဲ့ ကျေးဇူးကြောင့် မြန်မာနိုင်ငံ လွတ်လပ်ရေးရခဲ့တယ်။ ဒီခွေးမသားကလေး တွေရဲ့ စွမ်းဆောင်ချက်ကြောင့် မြန်မာ့သမိုင်း ပြောင်လက်ခဲ့ရတယ်။ ခွေးမသားကလေးတွေဟာ ရိုင်းချင်လဲရိုင်းမယ်။ ဒါပေမယ့် ရိုးတယ်။ အနစ်နာခံတယ်။ စွန့်လွှတ်တယ်။ တိုင်းပြည်အပေါ်မှာ သစ္စာရှိ တယ်။ ကိုယ်ကျိုးမဖက်ဘူး။ ကိုယ့်အတွက် စားခွက်မလုဘူး။ ဆရာကြီးမှိုင်းရဲ့ ခွေးမသားကလေးတွေကို တိုင်းပြည်ကချစ်တယ်။ အားကိုးတယ်။
လွတ်လပ်ရေးခေတ်ဦးက မြန်မာနိုင်ငံဝန်ကြီးချုပ်လုပ်နေတဲ့ သခင်နုက ဆရာကြီးမှိုင်းကို သွားရောက် ကန်တော့ပြီး“ဆရာကြီး ကျွန်တော်တို့ကို အရင်တုန်းကလို ခွေးမသားလို့ဆဲပြီး ဆုံးမသွန်သင်ပါအုံး” လို့ ကြည်ကြည်နူးနူး တောင်းပန်တာကို သတင်းစာထဲမှာ ဖတ်လိုက်ရဖူးတယ်။ ဒီအခါမှာ ဆရာကြီးမှိုင်းက ပြုံးပြုံးရွှင်ရွှင် ချစ်ချစ်ခင်ခင်နဲ့ “ခွေးမသားမောင်နု … နိုင်ငံရေးလုပ်တယ်ဆိုတာ ပုတီးစိပ်တာ မဟုတ်ဘူးကွ … ချီးမြှင့်အပ်သူကို ချီးမြှင့်၊ နှိမ်နင်းအပ်သူကို နှိမ်နင်းပြီး တရားမျှတမှုရှိအောင် ဆောင်ရွက်တာကွ” စတဲ့ အဆုံးအမစကားတွေကို မိန့်ဆိုခဲ့တာ ဖတ်ရဖူးပါတယ်။
ဝမ်းမြောက်ကြည်နူးဖွယ်၊ အောက်မေ့လွမ်းဆွတ်ဖွယ် ဖြစ်ရပ်ကလေးတွေပါ။
(၃)
တခါတလေ သမိုင်းဖြစ်စဉ်ကလေးတွေ တစိမ့်စိမ့်ပြန်လည်တွေးမိတယ်။ မိမိကိုယ်ကို ယုံကြည်မှု တည်ဆောက်တာ မင်္ဂလာတရားပါကလားလို့ စဉ်းစားမိတယ်။ မိမိလိပ်ပြာ သန့်သန့်ရှင်းရှင်းရှိမှ မိမိကိုယ် ကို ယုံကြည်မှုတည်ဆောက်လုိ့ရမှာလို့လည်း တွေးမိတယ်။ လိပ်ပြာသန့်ဖို့ ပထမဦးဆုံး လိုအပ်တာက စိတ်စေတနာသန့်သန့် ထားတတ်ဖို့ဖြစ်မယ်။ အများအကျိုးဖြစ်ထွန်းစေလိုတဲ့ စေတနာသန့်ရင် ကိုယ်ပြု သမျှ၊ ပြောသမျှ၊ လုပ်သမျှ၊ နှလုံးသွင်းမိသမျှ ကာယကံ၊ ၀စီကံ၊ မနောကံ သန့်ရှင်းစင်ကြယ်မယ်။ ဒီလိုစိတ်နေသန့်မှ ကိုယ့်ကိုယ်ကို စိတ်ချယုံကြည်တဲ့စိတ်ဓာတ် ခိုင်ခိုင်မြဲမြဲ ထူထောင်နိုင်လိမ့်မယ်။ ဒါမှ အတ္တသမ္မာပဏီဓိမင်္ဂလာဆိုတဲ့ ဂုဏ်နဲ့ ပြည့်စုံနိုင်ပေလိမ့်မယ်။
ဒါကြောင့် … ဒီကဗျာကို ဖွဲ့ခဲ့မိတာဖြစ်မှာပါ။
အတ္တသမ္မာမဏီဓိ
ကိုယ့်အကျိုးမငဲ့၊ အများငဲ့
အမှားမရှိခဲ့။
ကရုဏာတရား၊ မုဒိတာပွား
အမှားမရှိခဲ့။
ပုထုဇဉ်သား၊ ရံခါမှား
ဘုရားမကဲ့ရဲ့။
စေတနာထား၊ လုပ်ဆောင်ငြား
တရားမလွတ်ခဲ့။
ကိုယ်လုပ်သမျှ၊ ကိုယ်သာရ
စိတ်ချယုံကြည်ရဲ့။
ကောင်းတာလုပ်ရင် ကောင်းတာစံရမှာပဲဆိုတာ နေ့စဉ်သုံးတရားစကားပါ။ ယုံကြည်စိတ်ချစွာ လိုက်နာကျင့်သုံးဖို့ အမြဲသတိရှိပါစေ။ ။
ခေတ်ပြိုင်ဂျာနယ် အတွဲ (၁၄၆)၊ ဇူလိုင် ၂၀၀၅
Subscribe to:
Posts (Atom)